KATIKA kipindi hiki cha mapumziko ya ligi mbalimbali kupisha maambukizi ya Ugonjwa wa Corona, wadau mbalimbali wa timu ya Tukuyu Stars wametakiwa kuipa sapoti ya kifedha timu hiyo.
Katibu Mkuu wa timu hiyo, Robert Mwandi amewataka wadau hao kujitokeza kipindi hiki kuichangia timu hiyo ili iweze kufanya vizuri kwenye mchezo wake wa mwisho wa Ligi Daraja la Pili.
"Tunawaomba wadau kuichangia timu yetu ili iweze kufanya vyema kwenye mchezo wa mwisho hatua ya makundi na kisha hatua ya sita bora endapo tutafuzu," alisema.
Timu hiyo imesaliwa na mchezo mmoja dhidi ya DTB FC ambao ndiyo utakaoamua timu gani kati ya hizo itakayoungana na Fountain Gate kwenda hatua ya Sita Bora.
Mchezo huo ambao umekuwa gumzo kwenye Kundi C unatarajiwa kupigwa kwenye Uwanja wa Sokoine jijini Mbeya.
Post a Comment