BABA mzazi wa kiungo mkabaji wa Atletico Madrid, Thomas Partey, amethibitisha kwamba, Klabu ya Arsenal ipo katika mazungumzo ya kumsajili mwanaye ambaye inaelezwa thamani yake ni pauni milioni 50.
Arsenal inataka kumsajili kiungo huyo mwenye miaka 26 ili kuongeza nguvu kwenye kikosi chao kwa ajili ya msimu ujao.
Kocha wa Arsenal, Mikel Arteta, yupo tayari kumruhusu mshambuliaji wake, Alexandre Lacazette kwenda Atletico ili tu dili hilo litimie.
Jacob ambaye ni baba mzazi wa kiungo huyo, amesema atafurahi endapo kijana wake ataelekea England.
Taarifa kutoka nyumbani kwao Ghana zinasema kuwa, mzee huyo alisikika akizungumza kwenye redio moja nchini humo juu ya mazungumzo yaliyopo kati yake na Arsenal.
"Nilimpigia simu mwanangu baada ya kusikia hizi tetetsi, akanijibu kwamba ni za kweli.
"Aliniambia mazungumzo yake na Arsenal yatafikia muafaka kwa kutegemea na timu yake ya Atletico.
"Kama akienda Arsenal ni sawa tu kwani wana mashabiki wengi Ghana.
"Nitakuwa na furaha kama akichagua kutua Arsenal. Wanachojadili kwa sasa ni namna gani Atletico watamruhusu kuondoka."
Post a Comment