SVEN Vandnbroeck, Kocha Mkuu wa Simba amesema kuwa wapo tayari kwa ajili ya mchezo wa leo wa Kombe la Shirikisho utakaochezwa Uwanja wa CCM Kambarage dhidi ya Stand United.
Simba itakaribishwa na Stand United leo majira ya saa 10:00 kwenye mchezo wa hatua ya 16 bora, Kombe la Shirikisho.
Sven amesema:'-" Kila mmoja yupo tayari kwa mchezo lakini kwenye mchezo mmoja hatuwezi kutumia wachezaji wote 29 hivyo lazima kuchagua wachezaji wa kuwatumia.
"Mashabiki wajitokeze kwa wingi kuona namna tutakavyofanya ili kupata matokeo, imani yangu tutafanya vizuri,".
Simba ilianza hatua ya 62 kwa kuifunga Arusha United mabao 6-0 ikaibukia hatua ya 32 kwa kuifunga mabao 2-1 Mwadui FC na leo inakutana na Stand United hatua ya 16 bora
Post a Comment