NYOTA WA BAYERN MUNICH AWAPA SOMO WACHEZAJI WENZAKE

 NYOTA wa Bayern Munich, Joshua Kimmich  amesema wachezaji kipindi hiki cha mlipuko wa Virusi vya Corona wanatakiwa kutoa msaada na kuwasaidia waathirika.

  Tangu liibuke janga hili la Virusi vya Corona mastaa mbalimbali wa soka na michezo mingine wamekuwa wakijitoa kwa ajili ya kuwahudumia  waathirika ingawa baadhi ya wachezaji wamethirika pia.

Mastaa wa Bundesliga ambao wamejitoa kwa ajili ya Corona mpaka sasa ni Kimmich mwenyewe, Lewandowski, Leon Goretzka, Mats Hummels, Leory Sane na Timo Werner

Pia klabu za Bundesliga haziko nyuma kwani nazo zimejitoa kuchangia katika janga hilo kama Bayern Munich, Dortmund, RB Leipzig na Bayer wakitoa kiasi cha euro milioni 20.

 Kimmich alisema:“ Kama  mchezaji unatakiwa kujitolea kwa namna yoyote kusaidia chochote kwa kipindi kama hiki kigumu, tunajikusanya kujua ni namna gani tunasaidiana.

 “Kama tukijitoa kusaidia natumai kuwa tutasaidia watu wengi huko nje wenye uhitaji hasa kipindi hiki kigumu.