STAA wa Barcelona, Antonie Griezmann amefunguka kuwa straika wa Chelsea na timu ya Taifa ya Ufaransa, Olivier Giroud ni mchezaji bora kwani aliipa timu yake Kombe la Dunia.
Hii ni baada ya siku za karibuni staa wa Real Madrid, Karim Benzema ambaye huko nyuma aliwahi kuichezea Ufaransa kukataa kufananishwa na Mfaransa mwenzake, Giroud.
Griezmann alisimama na kumtetea Giroud kuwa Karim hapaswi kumdharau straika huyo kwani ni bora tayari aliipa Timu yake ya Taifa Kombe la Dunia.
Wawili hao wamekuwa wakiitumikia Timu ya Taifa ya Ufaransa kwa hivi karibuni, huku Benzema yeye alienguliwa kitambo kutokana na skendo iliyosababisha mpaka kesi mahakamani.
Akifanyiwa mahojiano, Griezmann alisema : “ Sitaki kuzungumza sana hili suala la Giroud na Benzema nisije nikaingia kwenye matatizo kwa sasa.
“Ila fahamu kuwa nampenda Giroud sababu ni mchezaji mzuri na bora na alitusaidia sana katika kutwaa Kombe la Dunia kwenye timu yetu ya Ufaransa.
“ Kwa sasa sipaswi kuwafuatilia sana hao, zaidi ni kuangalia jinsi gani najiweka fiti kipindi hiki kigumu ili siku ligi ikirejea ni bora na si vinginevyo,”alisema Griezmann ambaye anatajwa kuwa huenda Barcelona ikamuuza katika usajili ujao wa majira ya joto.
Post a Comment