FELIX Minziro, kocha mkuu wa Pamba FC inayoshiriki Ligi Daraja la Kwanza amesema kuwa anahitaji kusajili wachezaji zaidi ya12 ili kuboresha kikosi chake.
Minziro alipigwa chini jumla na Singida United ambayo aliipandisha daraja na kwa sasa ipo chini ya Ramadhan Nswanzurimo anakinoa kikosi cha Pamba chenye maskani yake mkoani Mwanza.
"Nahitaji kusajili wachezaji zaidi ya 12 wenye uwezo mkubwa ambao watafanya kazi ya kutafuta matoke chanya ndani ya kikosi chetu kwani ushindani ni mkubwa na haya yote nimeweka kwenye ripoti," amesema.
Kaimu Katibu wa Pamba FC, Johnson James amethibitisha kupokea ripoti hiyo na kuahidi uongozi kuifanyia kazi kwa ukaribu.
"Kocha ameleta ripoti kwa sasa kinachofanyika ni kuitazama na kuitendea kazi kwa vitendo malengo yetu ni kushiriki Ligi Kuu Bara ili tufanikwe lazima tuwe na kikosi imara," amesema.
Post a Comment