UONGOZI wa Mtibwa Sugar umewataka mashabiki kujitokeza kwa wingi leo kwenye mchezo wa hisani kwa ajili ya kumuenzi aliyekuwa mchezaji wao wa zamani Ibrahim Rajab ‘Jeba’ utakaochezwa visiwani Zanzibar dhidi ya Azam FC.
Mchezo huo utapigwa majira ya saa 2:00 usiku na umepewa jina la “Usiku wa Jeba’ na utakuwa maalumu kwa ajili ya kumuombea dua pamoja na kukumbuka mchango wake kipindi cha uhai wake.
Jeba aliwahi kucheza pia kwenye timu ya Azam FC ambayo itamenyana na Mtibwa Sugar na kutakuwa na jezi maalumu zenye majina ya Jeba zitakazouzwa kwa mashabiki.
Ofisa Habari wa Mtibwa Sugar, Thobias Kifaru amesema kuwa mashabiki wanapaswa wajitokeze kwa wingi kushuhudia mchezo huo maalumu kwa ajili ya kumuenzi Jeba.
Jaffary Maganga Ofisa wa Azam FC amesema kuwa ni mashabiki wajitokeze kwenye mchezo huo maalumu.
Post a Comment