PEP Guardiola, kocha mkuu wa Manchester City amesema kuwa ni ukichaa tu kwa sasa kuwaza kutwaa ubingwa wa Ligi Kuu England msimu huu.
City wamekuwa kwenye kasi ya kutisha misimu kadhaa na ni mabingwa watetezi wanapewa nafasi kubwa ya kuendelea kufanya maajabu.
Msimu uliopita ilitwaa ubingwa baada ya vita ya kutosha na Liverpool ambayo ilipoteza mchezo mmoja tu na kuachwa kwa pointi moja na City ya Guardiola.
Kwa sasa City ipo nyuma ya Liverpool kwa tofauti ya pointi 11 ambapo wapo kileleni wakiwa na pointi 43.
"Kuna watu waliandika kwamba vita ya ubingwa imeisha. Nafikiri tangia nilipomaliza kusoma hakuna ambaye amekuwa akitupa tena nafasi ya kufanya vizuri.
"Mimi siamini hilo, lakini haijalishi kama ninaamini ausiamini. Jambo pekee ambalo ninaamini ni kuhusu mchezo ujao," amesema.
Post a Comment