UONGOZI wa Azam FC
umesema kuwa utapambana kufanya vema kwenye mashindano ya Mapinduzi ili
kurejea na kombe lao ambalo walilitwaa msimu uliopita kwa kuifunga Simba
kwenye fainali hizo kwa mabao 2-1.
Akizungumza na Saleh
Jembe, Ofisa Habari wa Azam FC, Jaffary Maganga amesema kuwa
wamejipanga kufanya kweli kwenye michuano hiyo itakayofanyika visiwani
Zanzibar kuanzia leo, Januari 6,2020.
“Tunajua kwamba tuna
kazi ngumu ya kufanya kwenye kombe la Mapinduzi ukizingatia sisi ni
mabingwa watetezi tutapambana kulipata tena na kurudi nalo Tanzania,
mashabiki watupe sapoti kwani tumejipanga vizuri,” amesema Maganga.
Azam FC ipo kundi A ikiwa na Unguja, Yanga,Mlandege na Jamhuri itaanza kutetea taji lake leo, Januari 6 mbele ya Mlandege.
Post a Comment