LIVERPOOL imeripotiwa kuwa imeongea na uongozi wa Borussia Dortumud juu ya mpango wake wa kuinasa saini ya nyota wao Jadon Sancho.
Sancho raia wa England mwenye miaka 19 inatajwa kuwa anawania na timu nyingi ambazo zinashiriki Ligi Kuu Engand ikiwa ni pamoja na Manchester City, Chelsea na Spurs huku Barcelona inayoshiriki La Liga nayo inahitaji saini yake.
Nyota huyo alikuwa anakipiga Manchester City kabla ya kuibukia Dortumund mwaka 2017 ambapo yupo kwa sasa amekuwa kwenye ubora ndani ya Bundesliga amecheza mechi 19 na amefunga mabao 12 na asisti 13.
Jurgen Klopp, Kocha Mkuu wa Liverpool amesema kuwa ana matumaini ya kuipata saini ya nyota huyo ambaye yupo kwenye ubora wake kwa sasa.
Sancho ana urafiki mkubwa na nyota wa Liverpool ikiwa ni pamoja na Trent Alexander-Arnold, Alex Oxlade-Chamberlain na Jordan Henderson walicheza pamoja mwaka 2017 kwenye timu ya Taifa ya England.
Klopp alikuwa na mpango wa kuinasa saini yake mwezi Januari ili kuongeza upana wa kikosi chake ila mipango ilikuwa tofauti
Post a Comment