SVEN Vandrebroek,
Kocha Mkuu wa Simba amesema kuwa wachezaji wake walicheza chini ya
kiwango kipindi cha pili jambo lililofanya kuruhusu kufungwa mabao
mawili kipindi cha pili licha ya wao kuanza kuifunga Yanga kwenye mechi
iliyochezwa juzi uwanja wa Taifa.
Akizungumza na
Championi Jumatatu, Sven ambaye alikuwa akiingoza Simba kwa mara ya
kwanza kwenye dabi ya Kariakoo na kushuhudia mabao mawili waliyoanza
kuyafunga Simba yakipinduliwa na wapinzani wao Yanga ndani ya dakika
saba za kipindi cha pili.
“Sijafurahishwa hata
kidogo na tukio ambalo nimelishuhudia, kufungwa mabao mawili ndani ya
dakika saba hili jambo ni baya na linaumiza, wachezaji hawajafanya kile
ambacho nilitarajia mwanzo.
“Ninaamini kwamba
walishindwa kujituma na kulinda ushindi waliopata kutokana na kujiamini
kupita kiasi na kusahau kwamba mpira unaendelea, nitakaa na wachezaji
wangu kuzungumza nao kwani hawajafanya vizuri kuruhusu mabao waliyoanza
kufunga,” alisema Sven.
Post a Comment