August 2019

10:15 PM

MILAN, Italia

HATIMAYE straika wa Inter Milan, Romelu Lukaku amefunguka na kuitupia lawama klabu yake ya zamani, Manchester United kwa kushindwa kumlinda mchezaji huyo raia wa Ubelgiji.

Hivi karibuni, straika huyo mwenye umri wa miaka 26 alijiunga na Inter Milan kwa dau la pauni milioni 75, baada ya kuwatumikia mabingwa wa zamani wa England kwa misimu miwili.

Msimu uliopita, Lukaku alifunga mabao 12 katika Ligi Kuu England, lakini hakuwa chaguo la kwanza kuelekea mwishoni mwa msimu, baada ya kocha wa timu hiyo, Ole Gunnar Solskjaer kumpa kipaumbele Marcus Rashford kuongoza mashambulizi.

Licha ya kupata wakati mgumu wa kufunga mabao, Lukaku anaamini kuwa malalamiko juu yake hayakuwa sahihi, pia, alidai Manchester United walishindwa kuwalinda akina Paul Pogba na Alexis Sanchez pindi timu inapofanya vibaya.

“Mashabiki wanatafuta wa kumpa lawama pindi timu inapofanya vibaya, atakuwa Pogba, mimi au Sanchez, ni sisi watatu ambao tulitajwa mara nyingi, kwa upande wangu, nililichukulia kwa njia nyingi.

“Timu ilishindwa kutulinda, hakuna aliyekemea kilichokuwa kinatokea, wakati wote tulikuwa wakulalamikiwa tu.

“Hata alipoingia Solskjaer, watu wengi walifikiri siwezi kuwa sehemu ya kikosi chake, hayo ni mawazo yao lakini nilijisikia vibaya sana,” alisema.

Hata hivyo, wengi walikuwa wakishangaa kwanini straika huyo alikuwa akifanya vibaya ndani ya klabu yake lakini alikuwa moto wa kuotea mbali akiwa na timu ya Taifa ya Ubelgiji.

Hilo pia alilitolea ufafanuzi Lukaku ambaye anaamini ushirikiano anaopewa na wenzake kwenye kikosi cha Ubelgiji ulimfanya ajihisi yupo sehemu ya timu.

“Kwa upande wangu, ilikuwa ikinishangaza jinsi mambo yalivyokuwa yakienda, nilionekana kuwa mchezaji mbaya nilipokuwa na klabu, lakini nilipokuwa Ubelgiji nilikuwa tofauti.

“Kipindi chote nilichokuwa na timu ya taifa, nilijihisi kuwa sehemu ya timu, nilipewa ushirikiano na wenzangu kwa wakati wote, mazoezi, kwenye mechi hata kambini,” alifafanua.

“Kuna kitu hakipo sawa, ni mimi? Sikucheza wiki tatu za mwisho wa msimu na nilikuwa na wiki tatu zingine kabla ya kwenda kuitumikia Ubelgiji, lakini hakukuwa na mtu aliyelaumu hilo,” aliongeza.

Manchester United haikufanya vizuri msimu uliopita, wamekosa nafasi ya kucheza Ligi ya Mabingwa Ulaya baada ya kumaliza nafasi ya sita, walimtimua Jose Mourinho na kumpa kazi Solskjaer katikati ya msimu.

Straika huyo wa zamani wa Everton, alidai kuwa tangu ajiunge na Manchester United hajawahi kucheza kwa kiwango cha juu kama ilivyokuwa ndani ya Goodison Park.

Pia, alijaribu kukichambua kikosi cha msimu huu na kuamini kinaweza kufanya mambo makubwa lakini kama watajituma zaidi.

“Nilinyoosha mikono juu, nafikiri sikucheza kwa kiwango change tangu nilipojiunga na Manchester United, lakini sikuwa mchezaji pekee niliyecheza vibaya kama watu wanavyosema.

“Najua mchezo wa soka una mambo mengi, mpaka sasa nimepitia changamoto nyingi, nipo hapa kucheza mpira, naamini nitafanya vizuri.

“Manchester United wana timu nzuri, vipaji vingi vipo lakini haviwezi kuwasaidia kama watashindwa kujitoa kwa ajili ya timu, huu ni wakati wa kujenga timu mpya, watafanikiwa,” alidai Lukaku.

Read more »

10:12 PM

Guardiola alisema: "Namfahamu Sanchez. Tumefanya kazi pamoja Barcelona. Namkumbali sana kama mchezaji, lakini pia kama mwanadamu.

MANCHESTER, ENGLAND.KOCHA wa Manchester City, Pep Guardiola amemtetea staa Alexis Sanchez akisema kwamba kuboronga kwa mchezaji huyo huko Manchester United halikuwa kosa lake.
Sanchez ameondokana na balaa la Man United baada ya kukamilisha uhamisho wake wa mkopo wa msimu wote wa kujiunga na Inter Milan katika dirisha hili la majira ya kiangazi.
Wakati fowadi huyo wa kimataifa wa Chile akilalamikiwa kila kona kwa kukosolewa kwamba kiwango chake kibovu kufuatia kucheza hovyo tangu alipotua Old Trafford akitokea Arsenal Januari, 2018, Guardiola ameibuka na kusema wanaopaswa kulaumiwa ni Man United.
Guardiola alisema: "Namfahamu Sanchez. Tumefanya kazi pamoja Barcelona. Namkumbali sana kama mchezaji, lakini pia kama mwanadamu.
"Ni mtu safi, mtaratibu na mpambanaji. Na sasa ameamua kwenda Italia kujiunga na moja ya timu kubwa Ulaya kwa sasa, Inter Milan, akicheza chini ya kocha mkubwa Antonio Conte.
"Nina uhakika mkubwa anakwenda kufanya vizuri kwa sababu namna ambavyo Inter wanacheza, unaonekana na mchezo wake. Kucheza karibu na Romelu Lukaku kwenye fowadi, naamini atakwenda kuwa na wakati mzuri huko Milan."
Guardiola alisema Sanchez hakupaswa hata chembe kubebeshwa lawama, kwa sababu soka ni mchezo wa timu na si mtu mmoja mmoja.
"Klabu ya soka haimtegemei mchezaji mmoja. Mnahukumu kwamba kufeli kwa timu basi ni Alexis, wakati kuna sababu nyinyine nyingi. Si vizuri kumnyoshea kidole mchezaji mmoja timu isipocheza vizuri. Hachezaji peke yake, sio tenisi wala gofu."

Read more »

10:18 AM

Wachezaji hao ni beki Ally Ally; viungo Feisal Salum, Abdulaziz Makame, Deus Kaseke na Raphael Daud pamoja na washambuliaji Maybin Kalengo na David Molinga.

Dar es Salaam. Wachezaji saba wa Yanga wamejiweka kwenye nafasi ngumu ya kupata namba katika kikosi cha timu hiyo kitakachocheza mechi ya marudiano ya Ligi ya Mabingwa Afrika, ugenini dhidi ya Township Rollers ya Botswana, wiki ijayo.
Kiwango kisichoridhisha na ufanisi mdogo wa wachezaji hao kwenye mechi za hivi karibuni zile za kirafiki, vinaweza kuwakaanga na kujikuta wakisotea benchi. Na si mechi hiyo tu, bali hata zile za mashindano mengine wanaweza kujikuta wakikosa namba.
Wachezaji hao ni beki Ally Ally; viungo Feisal Salum, Abdulaziz Makame, Deus Kaseke na Raphael Daud pamoja na washambuliaji Maybin Kalengo na David Molinga.
Makosa ya washambuliaji Molinga na Kalengo kushindwa kutumia nafasi ambazo Yanga ilitengeneza na pia hata wao wenyewe kutopika mabao kwa wengine, vinawaweka kwenye wakati mgumu kuwapora nafasi Juma Balinya na Sadney Urikhobi.
Katika mechi zote za kirafiki ambazo zimeonekana kuwa za ushindani, Kalengo na Molinga wameshindwa kupachika mabao.
Pia hali inaweza kuwa tete kwa viungo Kaseke, Makame, Feisal na Daud kutokana na kushindwa kutimiza vyema majukumu yao kwenye safu hiyo ambayo ni kiunganishi cha timu kinachotengeza nafasi za mabao. Kukosa ubunifu na kutengeneza muunganiko wa kitimu utawapa kazi ya ziada kulishawishi benchi la ufundi kuwapatia nafasi mbele ya Mapinduzi Balama, Patrick Sibomana, Pappy Tshishimbi na Mohamed Issah ‘Banka’.
Na kwa kuthibitisha ugumu wa wachezaji hao kupata nafasi kwenye mechi ya marudiano dhidi ya Rollers na hata za mashindano mengine, kocha Mwinyi Zahera ametumia mechi mbili za kirafiki dhidi ya Polisi Tanzania juzi, na ile ya Malindi wiki chache zilizopita kama mfano halisi.
“Hii ni klabu kubwa. Mchezaji unapopata nafasi unapaswa kuonyesha kama unachezea timu kubwa. Mfano leo (juzi) dhidi ya Polisi Tanzania nimefanya mabadiliko ya kikosi ili kuwapa nafasi ya kucheza, lakini wameshindwa kuitumia,” alisema Zahera baada ya timu hiyo kupokea kichapo cha maba 2-0 kutoka kwa Polisi Tanzania mjini Moshi.

Read more »

10:15 AM

NA ZAINAB IDDY

LIGI Kuu Tanzania Bara msimu wa 2019/20 inaanza leo, huku jina la Abdallah Kambuzi kutoka Shinyanga likitolewa katika orodha ya waamuzi watakaocheza mechi za Ligi Kuu mzunguko wa kwanza.

Kambuzi ameondolewa katika orodha ya waamuzi msimu huu kutokana na rekodi yake ya kushindwa kutafsiri sheria 17 za soka mara kwa mara katika mechi zalizopewa ‘rungu’ misimu iliyopita.

Mathalan, msimu uliopita, Kambuzi alifungiwa baada ya kukutwa na tuhuma za kuwapa penalti isiyo halali vijana wa Simba, zikiwa zimebaki dakika chache kabla ya kumalizika kwa mchezo wao dhidi ya KMC katika Uwanja wa taifa, Dar es Salaam.

Kwa mujibu wa orodha ya waamuzi watakaochezesha mechi za mzunguko wa kwanza ambayo BINGWA limeipata, Ludovick Charles ataamua mchezo kati ya Alliance FC dhidi ya Mbao FC utakochezwa Uwanja wa CCM Kirumba, Mwanza.

Katika mchezo huo, Charles atasidiwa na Frednand Chacha na Josephat Masija, huku kamisaa wa mchezo akiwa ni Frank Chavala, wote kutoka Mwanza.

Mchezo kati ya Mbeya City dhidi ya Tanzania Prisons itakayochezwa Uwanja wa Sokoine, Mbeya, mwamuzi wa kati ni Fiorentina Zabron atakayesaidiwa na Charles Simon, wote wa Dodoma, wakati msaidizi namba mbili ni Credo Mbuya na Kamisaa ni Mashaka Mwandembwa wa Mbeya.

Huko Mkoani Mara, mchezo kati ya Kagera Sugar dhidi ya Biashara United utaamuliwa na mwamuzi Meshack Sudi, atakayesaidiwa na Athuman Rajabu na Sudi Hussen (Kigoma), wakati Kamisaa wa mchezo ni Francis Azaria (Mara).

Mechi kati ya Mwadui dhidi ya Singida United itakayochezwa CCM Kambarage, Shinyanga, itaamuliwa na mwamuzi Jonesia Rukyaa akisaidiwa na Grace Wamala na Edger Lyombo wote kutoka Kagera, wakati Kamisaa atakuwa ni Makame Mdogo wa Shinyanga.

Mechi ya mwisho itakayochezwa leo ni ile ya Polisi Tanzania dhidi ya Coastal Union itakayochezwa Uwanja wa Ushirika, Moshi, mpuliza kipenga akiwa ni Emmanuel Mwandemba, akisaidiwa na Robert Ruhemeje na Abdulazizi Ally (Arusha), huku kamisaa akiwa ni Crispin Mwakalinga (Kilimanjaro).

Read more »

10:10 AM

KUELEKEA ya Ligi ya Mabingwa Afrika raundi ya pili dhidi ya Zesco, Mkurugenzi mpya wa ufundi wa klabu ya Yanga ambaye ataokea nchini Uingereza, anatarajia kuanza kazi rasmi leo.

Mkurugenzi huyo, aliyekuwa anafanya shughuli za soka nchini Uingereza ni Mtanzania, aliyezaliwa visiwani Zanzibar akiwa amebobea katika masuala ya ufundi na program za vijana.

 Akizungumza na BINGWA, mmoja wa viongozi wa Kamati ya Utendaji wa Yanga  ambaye hakutaka jina lake liandikwe gazetini, alisema tofauti na ufundi, wakurugenzi wengine watakaonza kazi leo ni wa masoko, fedha na sheria.

Kiongozi huyo  alisema hawajaweka majina ya watu hao hadharani  kutokana na kuwa walikuwa bado katika ajira na waliakubaliana  leo  ndiyo wanaweza kuwaweka wazi wakati wanapoanza majukumu yao rasmi.

“Rasmi kesho (leo), Mkurugenzi wa Ufundi ataanza kazi, anatokea Uingereza lakini ni Mtanzania aliyezaliwa Zanzibar, mkurugenzi wa masoko, sheria na fedha.

Kamati ya Utendaji ya Yanga, inatarajia kukutana leo na hao waajiriwa, baada ya hapo majina na CV zao zitawekwa wazi, tulishindwa kufanya hivyo mapema kwa kuwa walikuwa bado katika ajira,”  kilisema chanzo.

Alieleza kuwa nafasi nyingine ikiwamo ya katibu, ofisa mtendaji mkuu na ofisa habari, zinaendelea kushughulikiwa na kamati husika.

Read more »

10:18 PM

Kocha wa Uganda aliyewahi kutamba na Simba, Jackson Mayanja anaamini kama Kelvin Yondani angekuwa kwenye ukuta wa timu hiyo asingekubali kudhalilishwa ndani ya Uwanja wa Taifa tena katika mechi muhimu kama ya Ligi ya Mabingwa Afrika.

Mayanja amesisitiza kwamba Yondani ambaye kwa sasa anaichezea Yanga, hawezi kukubali kudhalilishwa kwa kuburuzwa kama mfungaji wa UD Songo alivyowafanyia mabeki wa Simba na kabla ya kupachika bao la aibu.

Kocha huyo ambaye hata yeye timu yake ya sasa imeondoshwa kwenye Kombe la Shirikisho aliongeza kwamba Simba ilikuwa na nafasi ya kusonga mbele ila walikosa watu makini kwenye usajili wao.

“Simba walicheza vizuri sana(dhidi ya UD Songo) hasa katika kipindi cha pili lakini tatizo walilokuwa nalo ni ukosefu wa spidi hasa katika eneo la ulinzi.

“Unaweza ukaona hata bao walilofungwa Simba, mshambuliaji mmoja anaikata difensi yote na kuingia katika boksi na kutaka kufunga bao,walichozidiwa Simba ni spidi tu wale vijana walikuwa na
uharaka wakiamua kuondoka ilikuwa ngumu kuwazuia.

“Ila walicheza vizuri sana walivyorudi kipindi cha pili sema ndiyo hivyo walikosa bahati na uharaka wa kufanya maamuzi wakiwa na mpira.

“Unajua katika ile mechi ya Simba na UD do Songo angekuwa anacheza mtu kama Yondani basi angekata watu vichwa kwa sababu wale vijana walikuwa na spidi sana hivyo asinge kubali kupitwa kirahisi vile,” anasisitiza Bosi huyo ambaye timu yake ya sasa ya KMC imeondoshwa kwenye Shirikisho na AS Kigali.

KMC VIPI?

“Kitu kikubwa kilichofanya tupoteze tukiwa nyumbani katika mchezo wa marudiano wa kombe la shirikisho dhidi ya As Kigali ni kukosa wachezaji wengi wenye kiwango na uzoefu wa kucheza mashindano ya kimataifa,”anasema Mayanja ambaye timu yake ilitolewa kwa wastani wa mabao 2-1.

“Kitu pekee kinachofanya timu yoyote ifanikiwe kwenye michuano ya Afrika ni kuwa na wachezaji bora na wenye uzoefu na kiwango cha juu cha kupambana na timu kubwa, sasa ukitizama KMC haina wachezaji hao ambao wanakiwango cha hali ya juu na huo ndiyo ukweli.

“Kwahiyo kwa levo ya wachezaji ambao nipo nao ilikuwa ngumu sana kuweza kupata matokeo mazuri ambayo yangefanya tusonge mbele katika michuano hii ya kimataifa,”anasema Kocha huyo mwenye heshima kubwa nchini Uganda.

“Wote tuliona ile mechi jinsi wachezaji walivyokuwa wanacheza utakuta beki anapita pembeni kwa nguvu lakini akipiga mpira haufi ki katika eneo sahihi ambalo lingemwezesha fowadi kufunga bao,sasa kile siyo kitu ambacho tulikubaliana wakafanye.

“Mimi niliwaambia ukweli kwamba uwezo wetu wa kucheza kombe la shirikisho au kombe la Afrika hatuna kwahiyo tulieni na tujipange na ligi.

“Kwa sababu lazima ifi ke mahali watu tuelezane ukweli kama mchezaji ulishindwa kucheza na kupata matokeo dhidi ya As Kigali utapata ushindi kwa nani, kwa sababu wale Kigali wenyewe hawana wachezaji wa levo ya kupambana kwenye mechi za kimataifa.

“Kwahiyo niliwaambia watulie kwa sababu katika yale mashindano hatukuwa na cha kupoteza na hatukuwa na kiwango bora, hivyo tujipange kwa michezo ya ligi kuu ili tuone tunafi ka wapi.

“Inabidi tuwajenge spidi tu wale vijana walikuwa na uharaka wakiamua kuondoka Kocha huyo vijana ili tupate ule ubora ambao tunahitaji kuwa nao, ili tufanye vyema katika michezo ya kimataifa kama tutapata nafasi katika msimu ujao,”anasema.

“Tutengeneze timu kwa msimu huu na tupate vijana ambao watakuwa tayari kukabiliana na timu yoyote katika mashindano makubwa.

“Kama mshambuliaji ameshindwa kumpita beki wa As Kigali,atawezaje kuwapita mabeki aina ya Pascal Wawa wa Simba, hiyo ni ngumu sana kwahiyo tutengeneze timu na tutakuwa vizuri kwa baadae,”anaongeza Kocha huyo ambaye kikosi chake kinapewa nafasi ya kuchachafya kwenye ligi ya msimu huu.
Read more »

10:03 PM

Zambia haina kocha mkuu wa timu yao ya taifa ya soka 'Chipolopolo' kwa miezi sita sasa tangu ilipoachana na Mbelgiji Sven Vandenbroeck mwezi Februari

Dar es Salaam. Wakati Chama cha Mpira wa Miguu Zambia (FAZ) kikijipanga kumtangaza Kocha Mkuu mpya wa timu ya taifa ya nchi hiyo 'Chipolopolo' wiki hii, kocha wa zamani wa Simba, Pierre Lechantre ni miongoni mwa majina manne yaliyoingia kwenye kinyang'anyiro cha mwisho cha kuwania nafasi hiyo.

Lechantre ambaye aliiongoza Simba kutwaa ubingwa wa Ligi Kuu msimu wa 2017/2018, anawania nafasi hiyo sambamba na makocha Tomislav Ivković, Vaselin Jelusic na Luc Eymael

Hata hivyo Lechantre ambaye ni raia wa Ufaransa anaonekana ana na nafasi finyu ya kuibuka mshindi wa kinyang'anyiro hicho na nafasi kubwa inaonekana kwenda kwa kocha Raia wa Serbia, Vaselin Jelusic.

Kwa mujibu wa taarifa iliyotolewa na gazeti la The Times of Zambia, uongozi wa FAZ tayari umeshamalizana na kocha Jelusic tayari kwa kuinoa timu hiyo.

Uwepo wa mkataba wa ushirikiano baina ya FAZ na Shirikisho la Mpira wa miguu Serbia, unatajwa kama sababu kubwa iliyombeba Jelusic ambaye amewahi kuzinoa timu za Taifa za Angola na Botswana na pia klabu ya Bloemfontein Celtic ya Afrika Kusini.

Kocha wa zamani wa Zambia, Sven Vandenbroeck kutoka Ubelgiji, aliachana na timu hiyo mwezi Februari baada ya kushindwa kuiongoza kufuzu Fainali za Mataifa ya Afrika (Afcon) zilizofanyika nchini Misri kuanzia Juni 21 hadi Julai 19.

Read more »

10:00 PM

SAKATA la beki wa Yanga, Andrew Vincent ‘Dante’ limeibua mjadara mpya baada ya mchezaji huyo kushangazwa na uongozi wa klabu hiyo kumpunguzia fedha anazowadai.

Kwa mujibu wa Makamu Mwenyekiti wa Yanga, Fredrick Mwakalebela alisema mchezaji huyo anadai 18 milioni ambazo walimuomba wampunguzie kwa kumlipa kumi ili nane.

Alisema baada ya mazungumzo hayo na mchezaji huyo alikataa na kutaka alipwe fedha yake yote kitu ambacho kwa wakati huo uongozi ulikuwa hauna na kuamua kumruhusu kuondoka wakiahidi kumuita tena.

“Dante na Juma Abdul ndio wachezaji ambao waligoma wakishinikiza kulipwa madeni yao tulifanya makubaliano kwa kuwaita wachezaji wote na kuwomba kuwapunguzia madai yao, Abdul alikubali kidogo tulichompa lakini Dante aligoma,” alisema na kuongeza kuwa:

“Baada ya mchezaji huyo kukataa tulimuacha jijini na Abdul tulisafiri naye kambini Arusha tulivyorudi tulimuita tena mchezaji huyo kwa ajili ya makubaliano hakuweza kutokea kwa madai kuwa yupo katika matatizo anamuuguza mama yake,” alisema.

Mwanaspoti lilimtafuta Dante ili aweze kuzungumzia suala hilo alisema anashangazwa na tukio la kupunguziwa deni na kuweka wazi kuwa yeye anaidai klabu hiyo zaidi ya 45 milioni ambazo ni malimbikizo ya mishahara ikiwa na fedha ya usajili wa msimu huu wa mwaka 2019/20.

“Ni kitu cha kushangaza naambiwa nadai 18 milioni wakati nawadai fedha ya usajili sambamba na malimbikizo ya mishahara na kuhusiana na kuniita kwaajili ya kumalizana mara ya pili ni kweli niliwaambia nauguza lakini nilimtuma mwanasheria wangu ili aweze kulisimamia hilo,” alisema na kuongeza kuwa:

“Mwanasheria wangu kaenda zaidi ya mara tatu bila ya kuonana na makamu mwenyekiti na hivi leo (jana Alhamisi) tunavyozungumza yupo klabuni kwaajili ya mazungumzo na viongozi kwa ajili ya kukubalina ni namna gani watanilipa madai yangu,” alisema Dante.

Read more »

11:07 AM

BAADA ya kuwa nje kutokana na majeraha na kurejea kwenye mazoezi straika wa Simba Ibrahim Ajibu, amefunguka kuwa ameanza mazoezi atawakosa UD Songo ila mechi zijazo atakuwa fiti kupambana na kuisaidia timu yake.

Ajibu ambaye amesajiliwa na Simba msimu huu akitokea Yanga, alipata majeraha akiwa na timu ya Taifa na alishindwa kucheza mechi ya kwanza ya kimataifa dhidi ya UD do Songo.

Simba itacheza mchezo wake wa marudiano wa kimataifa siku ya Jumapili kwenye Uwanja wa Taifa jijini Dar es Salaam.

Msimu uliopita nyota huyo akiwa Yanga aliweka rekodi yake ya kutoa asisti 17 na kufunga mabao sita, huku timu yake ikimaliza nafasi ya pili kwenye msimamo wa ligi.

Akizungumza na Championi Jumatano, Ajibu alisema ameanza mazoezi yake hivi karibuni lakini hayuko fiti kuweza kupambana kwenye mchezo ujao.

“ Kwa sasa ninaendelea vizuri na nimeanza mazoezi hivi karibuni lakini sipo fiti kwa mchezo ujao na Ud Songo hivyo najipanga kuwa fiti zaidi ili kuona naisaidia timu yangu kwenye michezo ijayo.

“ Kukaa nje hakuna anayependa ni ngumu lakini wakati mwingine inabidi kutokana na majeraha ni jambo ambalo halizuiliki hata kidogo,”alisema Ajibu.

Read more »

11:04 AM

Michezo ya awali ya kuwania kucheza hatua ya makundi ya Ligi ya Mabingwa Afrika 2019/20 inaendelea na Al Ahly ya Misri wao walicheza mchezo wao wa marudiano Ijumaa hii dhidi ya Atlabara ya Sudan Kusini.

Al Ahly ambao walipata bahati ya michezo yote miwili ya nyumbani na ugenini kuchezwa kwenye taifa lake kutokana na Uwanja wa Sudan Kusini kuwa katika ukarabati, wamefanikiwa kuifunga Atlabara jumla ya goli 13-0 katika hatua hiyo, mechi ya kwanza wakishinda 4-0 na ya pili ya marudiano iliyochezwa juzi ijumaa wakishinda 9-0.

Ushindi huo unaifanya Al Ahly kufikia rekodi ya Yanga SC ya Tanzania ambayo iliweka rekodi hiyo miaka 10 iliyopita kwa kuifunga klabu ya Etoile d'Or Mirontsy FC ya nchini Comorro kwa tofauti ya goli 13.

Katika raundi hiyo ya awali mwaka 2009 Yanga iliibuka na ushindi wa Jumla ya goli 14-1 dhidi ya Etoile d’or Mironsty kutoka Comorro.

Mchezo wa kwanza walishinda 8-1 akiwa nyumbani na mchezo wa marudiano uliochezwa Moron Comorro wakishinda 6-0 na kufanya idadi ya magoli kuwa 14-1 sawa na utofauti wa mabao 13-0 rekodi ambayo ilidumu kwa miaka 10 na Al Ahly ndio wameifikia Ijumaa hii ya kuwa timu ya pili kuwahi kupita kwa idadi ya 13-0 katika historia ya mashindano hayo.

Read more »

6:31 AM

KATIKA mechi ya kwanza ya Ligi Kuu Bara, Simba dhidi ya JKT Tanzania mara baada ya kumalizika kocha Patrick Aussems, amesema wachezaji wake katika dakika 20 za mwisho walicheza na kufanya vitu kama watoto.
Aussems alisema hayo baada ya timu yake kuongoza kwa mabao 3-0 kabla ya JKT kupata bao la kufuta machozi kuwa walianza kucheza mpira kwa madaha kana kwamba siyo timu kubwa ambayo inacheza ligi ya juu jambo ambalo hakufurahishwa nalo.
"Dakika 20 za mwisho tulikuwa na uwezo wa kufunga zaidi ya hayo mabao matatu, lakini tulikuwa tukifanya mzaha na masihara kama timu ya watoto jambo ambalo si sahihi,"
"Nitakaa na wachezaji wangu mazoezini ili kuwalekeza hili kwani si jambo sahihi na wala sijafurahishwa nalo kwa ukubwa wa timu yetu ilivyo na mechi ilivyokuwa tulikuwa na uwezo wa kufunga zaidi,"
"Si kama mabadiliko yaliyofanyika ndio yalichangia hilo, hapana bali nina wachezaji 30 ambao wote nawaamini na nitawatumia katika mechi zilizo mbele na mabadiliko yatakuwepo kama ambavyo ilikuwa kwenye mchezo huu," alisema Aussems.

Read more »

6:30 AM

LONDON, England

SEPTEMBA 12, mwaka huu klabu za Ligi Kuu England zitakutana kujadili kuhusu lini dirisha la usajili lifungwe.

Timu hizo zilimaliza biashara zao za usajili kabla ya saa 1 usiku, Agosti 8, siku moja kabla ya Ligi Kuu England kuanza lakini sehemu zingine dirisha la usajili litafungwa Septemba 2.

Taarifa zinadai kwa asilimia kubwa klabu hizo za England zipo tayari kuongeza muda wa usajili kama ilivyokuwa zamani na kuwa sawa kama ligi zingine Ulaya.

Kama makubaliano yakishindwa kufikiwa, kutakuwa na kikao kingine ambacho kitafanyika November ambacho kitakuwa cha mwisho kutoa mustakabali wa dirisha la usajili.

Mwaka 2017, timu sita tu zilichagua kuendelea na mfumo wa zamani, ambazo ni Manchester United, Manchester City, Burnley, Swansea, Watford na Crystal Palace. Huku 14 zilichagua mabadiliko ya usajili.

Inahitaji makubaliano ya timu 11 na zaidi ili sheria ya usajili ibadilishwe, mpaka sasa kumekuwa na malalamiko mengi ya wachezaji kutoka England kuhitajika na timu kutoka nje ya ligi hiyo ambayo usajili unakuwa haujafungwa.

Read more »

5:04 AM

Mushami aliwaita wachezaji 10 wanaocheza soka nje ya Rwanda na 15, wanaocheza ligi mbalimbali nchini humo.


STRAIKA wa Simba, Meddie Kagere na winga wa Yanga, Patrick Sibomana ni miongoni mwa nyota walioitwa kuunda kikosi cha Timu ya Taifa ya Rwanda ‘Amavubi’ kinachojiandaa kucheza mechi ya kuwania kufuzu Kombe la Dunia 2022 dhidi ya Shelisheli.

Kocha mkuu wa timu hiyo, Vincent Mushami ametangaza kikosi cha wachezaji 25 watakaoingia kambini kujiandaa na mechi hiyo.

Mushami aliwaita wachezaji 10 wanaocheza soka nje ya Rwanda na 15, wanaocheza ligi mbalimbali nchini humo.

Kagere na Sibomana ni miongoni mwa wachezaji walioitwa kuunda timu hiyo pamoja na Rwatubyaye Abdul (Colorado Rapids, Marekani), Nirisarike Salomon (FC Tubize, Ubelgiji), Bayisenge Emery (Saif Sporting Club, Bangladeshi), Muhire Kevin (Misr El Makkasa, Misri), Mukunzi Yannick (Sandvikens IF, Swideni), Bizimana Djihad (Waasland Beveren, Ubelgiji), Tuyisenge Jacques (Petro Atletico Angola), Hakizimana Muhadjiri (Emirates Club, UAE).

Tayari baadhi ya wachezaji wameingia kambini tangu Jumanne ya wiki hii, huku Kagere, Sibomana na wengine wakitarajiwa kujiunga na timu hiyo hivi karibuni ili kujifua kuikabili Shelisheli mechi itakayochezwa Septemba 5, mwaka huu Shelisheli ambapo marudiano itakuwa Septemba 10, Kigali, Rwanda.

Read more »

9:37 PM

Sanchez uhusiano wake na wachezaji na wafanyakazi wengine wa Man United uliingia kwenye mushkeli baada ya kufichuka kuwa analipwa mshahara wa Pauni 505,000 kwa wiki.

MILAN, ITALIA. ALEXIS Sanchez ameripotiwa kwamba kwa muda wote aliokuwa Manchester United alijitenga na wachezaji wengine wote kwenye timu hiyo isipukuwa Romelu Lukaku tu, ndiye aliyekuwa swahiba wake na kupanga mambo pamoja.

Staa huyo wa Chile ameamua kuachana na Man United akienda kujiunga na Inter Milan kwa mkopo, huku atakwenda kukutana na swahiba wake, Lukaku, ambaye amejiunga pia na timu hiyo kwenye dirisha hili la majira ya kiangazi huko Ulaya kwa ada ya Pauni 73 milioni.

Kwa mujibu wa The Athletic, taarifa za kutoka ndani ya Man United, zinafichua kwamba Sanchez alikuwa akizungumza na Lukaku tu na aliwachunia wachezaji wengine wote huko Old Trafford.

Kiwango cha staa huyo kimekuwa cha hovyo tangu alipotua Man United akitokea Arsenal Januari 2018, huku ubora wake ukishuka siku hadi siku na hali ilikuwa mbaya baada ya kufika hadharani mshahara wake anaolipwa kwa wiki. Taarifa nyingine zimedai hiyo ni kawaida kwa Sanchez, kwani hata Arsenal hakuwa na marafiki.

"Alikuwa aina ya wale wachezaji kama tumeshinda 1-0 na yeye hajafunga, basi akiingia vyumbani anapiga vitu mateke. Kama akifunga mabao mawili, lakini tumefungwa mechi, yeye kwake ni sawa. Hakuwa akijichanganya na wachezaji wenzake. Ni mara chache sana," ilifichua taarifa hiyo.

Sanchez uhusiano wake na wachezaji na wafanyakazi wengine wa Man United uliingia kwenye mushkeli baada ya kufichuka kuwa analipwa mshahara wa Pauni 505,000 kwa wiki. Mshahara huo ulianza kuvuruga hali ya hewa kwenye timu, ambapo Paul Pogba akitaka kulipwa mkwanja mrefu, ambapo wakala wake Mino Raiola alianza kuleta habari za kutaka kuondoa pengo hilo la tofauti ya mshahara.

Read more »

9:35 PM

Mchezaji wa kiungo cha kati wa Manchester United na timu ya taifa ya Ufaransa Paul Pogba, mwenye umri wa miaka 26, hatosaini kuongeza mkataba wake hivi sasa na anataka kujiunga na Real Madrid haraka iwezekanavyo. (Marca)

Paris St-Germain inamtaka kiungo wa kati wa Tottenham Christian Eriksen mwenye umri wa miaka 27, kama mchezaji atakayeichukua nafasi ya mchezaji wa timu ya taifa ya Brazil Neymar, anayekaribia kurudi Barcelona. (Le Parisien)

Bayer Leverkusen inataka kumsaini beki wa kati wa Tottenham na timu ya taifa ya Ubelgiji Jan Vertonghen, aliye na miaka 32, kabla ya kuwadia Jumatatu muda wa mwisho wa dirisha la uhamisho Ulaya. (Kicker)

Beki kamili wa Manchester United na timu ya taifa ya Italia Matteo Darmian, mwenye umri wa miaka 29, yupo katika majadiliano kurudi katika ligi ya Serie A na klabu ya Parma. (La Gazzetta dello Sport kupitia Football Italia)

Mchezaji wa kiungo cha kati wa Arsenal na timu ya taifa ya Misri Mohamed Elneny, aliye na miaka 27, yupo katika mazungumzo na timu ya Uturuki Besiktas kuhusu uhamisho wa msimu mzima kwa mkopo (Sky Sports)

Meneja wa Gunners Unai Emery anasema beki kamili mwenye umri wa miaka 33 Nacho Monreal, aliyehusishwa na uhamisho kwenda Real Sociedad, huenda akaondoka katika klabu hiyo kabla ya kufungwa kwa dirisha la uhamisho Ulaya. (Mirror)

Bosi wa Tottenham Mauricio Pochettino anasua sua kumuita mlinzi wa timu ya taifa ya Ivory Coast Serge Aurier kwa Derby ya London kaskazini siku ya Jumapili huko Arsenal wakati mchezaji huyo wa miaka 26 akiwa anaweza kuondoka kabla ya kufungwa dirisha la uhamisho Ulaya Jumatatu. (Evening Standard)

Manchester United ilijitoa katika mkataba wa msimu wa joto ya mshambuliaji wa Juventus Paulo Dybala, mwenye umri wa miaka 25, kutokana na matakwa ya malipo ya mchezaji huyo wa Argentina ya thamani ya £18m kwa mwaka. (Mail)

Aliyekuwa mshambuliaji wa Manchester United Romelu Lukaku, mwenye umri wa miaka 26, amepunguza uzito wa mwili baada ya kufuata muongozo wa lishe chini ya meneja Antonio Conte tangu raia huyo wa Ubelgiji kujiunga na Inter Milan. (Mail)

Mlinzi wa Barcelona Gerard Pique anatumai kuwa Harry Maguire ataweza kuisaidia klabu yake ya zamani Manchester United kushinda taji la ligi kuu ya England. (Express)

Mchezaji wa kiungo cha kati wa Aston Villa Aaron Tshibola amejiunga na timu ya Ubelgiji Waasland-Beveren kwa mkataba wa miaka mitatu. (Birmingham Mail)

Arsenal dhidi ya Tottenham inajitayarisha kuipiku Liverpool dhidi ya Everton katika mchezo mkali wa Derby katika ligi kuu ya England. (Sun)

Kipa wa Paris St-Germain Alphonse Areola, mwenye umri wa miaka 26, amekubali kujiunga na Real Madrid. (RMC Sport)

Mchezaji wa kiungo cha mbele wa Chile Alexis Sanchez, mwenye umri wa miaka 30, ametuma ujumbe kwa wachezaji wenzake wa Manchester United katika Instagram kabla ya kujiunga na Inter Milan kwa mkopo. (Manchester Evening News)

TETESI ZA ALHAMISI

Meneja wa Manchester United Ole Gunnar Solskjaer yupo tayari kusubiri hadi msimu ujao w ajoto kushinikiza kiungo cha ushambilizi , huku mchezaji wa kiungo cha mbele wa Borussia Dortmund Jadon Sancho, mwenye umri wa miaka 19, akisalia kuwa mchezaji anayemlenga pakuu. (Evening Standard)

Barcelona na Paris St-Germain zimekubali malipo ya uhamisho wa mchezaji wa miaka 27 wa timu ya taifa ya Brazil Neymar, lakini majadiliano yanaendelea kuhusu makubaliano ya mkataba huo. PSG inataka mchezaji wa kiungo cha mbele wa Ufaransa Ousmane Dembele, mwenye umri wa miaka 22, kuwa sehemu ya mpangilio huo. (Mirror)

Hatahivyo, Ajenti wa Dembele anasema mchezaji huyo hatoondoka Nou Camp, hatua ambayo huenda ikachangia kupromoka kwa pendekezo la uhamisho wa Neymar kwenda Barcelona. (Daily Mail)

Mchezaji wa kiungo cha kati wa Chelsea raia wa Ufaransa Tiemoue Bakayoko, mwenye umri wa miaka 25, amekubali makubaliano ya kujiunga upya na Monaco kwa mkopo - huku kukipangiwa malipo ya £31.8m ka mkataba wa kudumu.(RMC Sport, kupitia Sun)

Mlinzi wa Arsenal Nacho Monreal, mwenye umri wa miaka 33, c huenda akarudi katika klabu alikotoka Uhispania kaba ya kufungwa dirisha la uhamisho Ulaya Jumatatu, huku Real Sociedad ikiwa na hamu kubwa ya kumsajili mchezaji huyo wa zamani wa Osasuna na Malaga. (Evening Standard)

Mshambuliaji wa Arsenal na timu ya taifa ya England Sam Greenwood, mwenye umri wa miaka 17, ametambuliwa na timu bingwa ya Italia AC Milan na Juventus kama mchezaji anayelengwa baada ya kuridhisha maajenti katika mshindano ya ubingwa wa Ulaya wa timu za wachezaji walio chini ya umri wamiaka 17 mapema msimu huu wa joto. (Sun)

Read more »

7:02 AM

Mwanaspoti lilipenyezewa habari na mtu wa karibu wa Maka kwamba, kiungo huyo aliachana na dili la Latvia na hivi sasa amekamilisha usajili ndani ya Morocco.

Dar es Salaam.NEEMA ya wachezaji wa Tanzania kwenda kucheza nje ya nchi imezidi kuongezeka, baada ya kiungo wa Yanga, Edward Maka kujiunga na Atheletico De Tetuan inayoshiriki Ligi Daraja la Kwanza nchini Morocco.

Maka (19), amejiunga na klabu hiyo kwa mkataba wa miaka minne akitokea Yanga.

Maka, ambaye alibakiza mkataba wa mwaka mmoja na Yanga, aliondoka mapema mwezi Juni kwenda nchini Latvia kufanya majaribio na klabu ya Spartaks Jurmala, lakini baadaye alirejea kimya kimya na sasa ameibukia Morocco.

Mwanaspoti lilipenyezewa habari na mtu wa karibu wa Maka kwamba, kiungo huyo aliachana na dili la Latvia na hivi sasa amekamilisha usajili ndani ya Morocco.

"Kweli nipo Morocco hivi sasa na mipango imekwenda sawa, Latvia maisha yalikuwa magumu na mlo ulikuwa ni mmoja tu. Nilikomaa na majibu yalikuwa mazuri, lakini walisema uwezo wangu na viungo waliopo klabuni upo sawa hivyo, wakala wangu ndio akanambia nirudi," alisema.

Kuhusu dili la Morocco alisema alikwenda kama kawaida kufanya majaribio na baada ya kucheza mechi nne za kirafiki ndio alipopata nafasi ya kusajiliwa.

"Nimesaini mkataba na ilibidi nije huku kwa sababu Yanga walishanitoa katika mipango yao ya msimu ujao, hivyo ilikuwa lazima nipambane kupata nafasi hapa," alisema.

MWAKALEBELA AFUNGUKA

Makamu Mwenyekiti wa klabu ya Yanga, Fredrick Mwakalebela alisema ni kweli mchezaji huyo amejiunga na Atheletico De Tetuan ya Morocco.

Aliliambia Mwanaspoti kuwa timu hiyo ilituma ofa ndipo wakakubaliana huku kukiwa na kipengele cha kupata pesa pindi mchezaji huyo atakapouzwa baadaye.

"Kweli yupo huko na wakimuuza tutakuwa tunapata asilimia 20, tumewaruhusu na tumewapa barua, lakini hatujamuuza," alisema.

Read more »

6:59 AM

LIVE: SIMBA 1-0 JKT TANZANIA, MECHI YA LIGI KUU BARA


Dak ya 23, JKT wanapata faulo kushoto mwa uwanja nje ya 18, imepigwa lakini Manula anadaka.
Dak ya 22, Simba wanapasiana kuelekea langoni mwa JKT, mabeki JKT wanaokoa.

Dak ya 19, hatari langoni mwa Simba, pigwa kichwa pale, inaokolewa.

Dak ya 18, faulo kuelekezwa Simba
Dak ya 17, JKT wamekuwa wakiganya mashambulizi ya kushitukiza, japo hali imekuwa ngumu kupata bao.
Dak ya 16, kona kuelekezwa JKT, wanapiga Simba, tayari ishapigwa na inaokolewa na mabeki JKT
Dak ya 15, JKT wanapata nafasi nzuri ya kuandika bao la kusawazisha lakini wanakosa umakini, Manula anadaka kiulaini.
Dak ya 14, shambulizi lingine wanafanya Simba lakini linashindwa kuzaa matunda.

Dak ya 12, mchezaji JKT anatoa mpira nje na unarushwa kuelekea Simba, tayari usharushwa.
Dak 13, tayari JKT wameshaanza, wana mpira eneo lao la ulinzi.
Dak ya 12, faulo inapigwa kuelekezwa Simba baada ya mchezaji JKT kuchezewa madhambi.
Dak ya 11, Manula anarudishiwa mpira nyuma ili kuanza mchezp upya.
Dak ya 11, Simba wanapasiana eneo la kati mwa uwanja wakionekana wana dhamira ya kusaka bao la pili.

Dak ya 10, Chama anafanyiwa madhambi na mpira unaelekezwa JKT
Dak ya 9, kona ya kwanza inapigwa kuelekezwa Simba, imepigwa lakini inakuwa faulo.
Dak ya 8, JKT wanajaribu kufanya shambulio moja lakini ukuta wa Simba unakuwa imara.
Dak ya 5, Simba wameanza kwa mashambulizi makali dakika hizi za mwanzo.
Dak ya 1, Meddie Kagere anaipatia Simba bao la kwanza

Read more »

12:38 AM

LEO simba inarusha kete yake ya kwanza kwenye mchezo wa Ligi Kuu Bara ambapo itacheza na JKT Tanzania.

Simba ni mabingwa watetezi wanaanza kazi wakiwa wametolewa kwenye michuano ya kimataifa na UD do Sngo ya Msumbiji kwa faida ya bao la ugenini.

Habari zinaeleza kuwa hawa hapa kuna hatihati ya wachezaji hawa kuikosa mechi ya leo kutokana na kusumbuliwa na majeruhi licha ya kuanza mazoezi mepesi.

John Bocco, Wilker Henrique ambao wanasumbuliwa na goti pamoja na Jonas Mkude ambaye anahoma.

Ibrahim Ajib bado hajawa fiti kwa sasa ila ameanza mazoezi mepesi.
Read more »

12:37 AM


MOHAMED Abdallah ‘Bares’ Kocha Mkuu wa JKT Tanzania amesema kuwa wapo tayari kusepa na pointi tatu muhimu kwenye mchezo wa kwanza utakaochezwa uwanja wa Uhuru.

Akizungumza na Saleh Jembe, Bares amesema wanaiheshimu Simba ila wamejipanga kufanya kweli mchezo wa leo wa ligi.

“Tunatambua ubora wa Simba hasa ukizingatia kwamba imetoka kushiriki michuano ya kimataifa si timu ya kubeza, nimemaliza programu maalumu kwa wachezaji na nimewaambia kazi ya kufanya.

“Tunataka kuanza ufunguzi kwa heshima ndio maana tunaifuata Simba kwa nidhamu na adabu ila kikubwa ni pointi tatu muhimu hakuna jambo jingine tunalofikiria, mashabiki watupe sapoti," amesema.

Msimu uliopita JKT Tanzania iliacha pointi zote sita mikononi mwa Simba baada ya kufungwa mchezo wa kwanza ikiwa nyumbani mabao 2-0 na mchezo wa pili bao 1-0.
Read more »

12:37 AM


KOCHA Mkuu wa Kagera Sugar, Mecky Maxime  amesema kuwa kikosi chake msimu huu hakijaingia kwenye ligi kubahatisha bali ni mwendo wa kichapo kwa kila timu watakayokutana nayo.

Kagera Sugar imefungua duru la ligi kuu kwa ushindi  wa mabao 2-0 dhidi ya Biashara United ikiwa ugenini kazi yake inayofuata ni mbele ya Alliance FC ambayo imemtimua Kocha wake Athuman Bilal.

Akizungumza na Saleh Jembe, Maxime amesema kuwa funzo walilolipata msimu uliopita limewapa akili jambo linalowapa morali ya kupambana.

“Hatukuwa na matokeo bora msimu uliopita hilo ni darasa kwetu na kwa sasa tunapambana kupata pointi tatu muhimu kwenye kila mchezo kwani hatujaja kutalii.

“Ushindani ni mkubwa nasi tunajipanga kipekee na tutakuwa na mbinu nyingi katika kila mchezo mpya, mashabiki waendelee kutupa sapoti kwani kazi ndio inaanza,” amesema Maxime.
Read more »

12:36 AM



ETIENNE Ndayiragije, Kocha Mkuu wa Azam FC amesema kuwa ndani ya kikosi chake kuna tatizo kubwa la lugha kwa wachezaji wake kushindwa kuelewana jambo ambalo linamfanya ashindwe kubadili safu yake ya ulinzi.

Mpaka sasa safu ya ulinzi ya Azam FC ipo chini ya beki Nicholaus Wadada, Bruce Kangwa, Yakub Mohamed na Daniel Amoah, huku mlinda mlango akiwa ni Razack Abarola ambao aliwatumia kwenye mchezo wa kimataifa dhidi ya Fasil Kenema na aliwatumia pia kwenye mchezo dhidi ya KMC wa Ligi Kuu Bara.

Kwenye mchezo dhidi ya Fasil Kenema ambao ulikuwa wa marudiano wa Kombe la Shirikisho Afrika, Azam FC ilishinda kwa mabao 3-1 na ule dhidi ya KMC ilishinda bao 1-0.

Akizungumza na Saleh Jembe, Ndayiragije amesema kuwa sababu kubwa inayomfanya ashindwe kubadilisha safu ya ulinzi ni Lugha ya Kiingereza ambayo wanaitumia.

“Mabeki wangu wanaitumia lugha ya Kiingereza, nashindwa kuwabadilisha hawa kwa kuwa nikiweka wachezaji wengine hakuna atakayeweza kuelewana na wengine, jambo ambalo linanifanya niwatumie muda wote,” amesema Ndayiragije.
Read more »

12:36 AM


JACKSON Mayanja, Kocha Mkuu wa KCM amesema kuwa kinachowashinda wachezaji wake kwa sasa kupata matokeo ni kushindwa kutumia akili wakiwa uwanjani na badala yake wanatumia nguvu nyingi.

KMC ilianza kufungua pazia la ligi kwa kuambulia kichapo cha bao 1-0 mbele ya Azam FC mchezo uliochezwa uwanja wa Uhuru.

Akizungumza na Saleh Jembe, Mayanja amesema kuwa kwa sasa mpira umebadilika hauhitaji kutumia nguvu nyingi bali akili pamoja na mbinu uwanjani.

“Wachezaji wangu wengi nimekuwa na kazi kubwa ya kuwafundisha namna ya kutumia akili na sio nguvu ndicho ambacho kinatuponza kushindwa kuwa na matokeo chanya kwenye mechi zetu za mashindano.

“Hilo limechangia mimi kufungwa na Azam FC pia nina lundo la majeruhi ambao mpaka sasa sijawatumia na ninalazimisha kuwatumia wachezaji ambao wanacheza nafasi wasizozijua kwa asilimia mia,” amesema Mayanja.

Read more »

9:01 PM

KLABU ya Yanga imeingia sokoni na kuongeza nguvu katika maeneo kadhaa katika kikosi chao, lakini eneo la ushambuliaji limekosa mchezaji wa kueleweka, hiyo ni kwa mujibu wa kocha wake wa zamani, Hans van der Pluijm.

Kocha huyo raia wa Uholanzi alisema amefuatilia kwa ukaribu usajili wa wachezaji wapya wa timu yake hiyo ya zamani na kubaini kwamba haina mshambuliaji mwenye kiwango cha kutisha.

Akizungumza na BINGWA jana kutoka Accra nchini Ghana, Pluijm alisema pamoja na klabu hiyo kuwasajili wachezaji wapya akiwamo David Molinga, lakini hana uwezo mkubwa.

Pluijim alisema Yanga inahitaji mpachika mabao wa kuwapatia matokeo bora msimu ujao wa Ligi Kuu Tanzania Bara na michuano mingine.

Aliongeza kwamba bado safu ya ushambuliaji ya Yanga ina tatizo kutokana na usajili wao kutofanyika kwa umakini kama ilivyo kwa timu nyingine, ikiwamo Simba na Azam.

Alisema kama Yanga inahitaji kupata matokeo mazuri  msimu ujao ni lazima kocha wa timu hiyo, Mwinyi Zahera ashughulike na safu ya ushambuliaji  kwa kuwa bado haijakaa sawa.

Kocha huyo aliyekuwa na mafanikio makubwa ndani ya Yanga, alisema kutokana na uzoefu wake wa kufundisha soka kwa muda mrefu, hata akiangalia mchezo mmoja wanaweza kubaini mapungufu ya wachezaji.

“Sijaona ule mwamko ndani ya Yanga kama ilivyokuwa  msimu iliyopita labda ligi  bado haijaanza, lakini nazifuatilia sana hizi timu hata mechi zao za kirafiki.

“Kama klabu inahitaji kushinda mechi zake lazima kocha apambane kuwapa mazoezi washambuliaji wake, lakini kwa upande wangu naona bado hata ule umakini wao wakiwa uwanjani haupo sawa,” alisema Pluijm.

Aidha, kocha huyo mzoefu wa soka la Afrika, alisema kwa upande wa mabeki Yanga imefanikiwa kufanya usajili mzuri wa Lamine Moro raia wa Ghana na kiungo mshambuliaji Mnyarwanda, Patrick Sibomana kuwa ameonyesha ari ya kupambana ndani ya kikosi hicho.

Kocha huyo, alisema wachezaji wengine kama Mganda, Juma Balinya na Molinga, wanahitaji muda wa kujifua zaidi ili waweze kufanya vizuri, lakini ikishindikana klabu hiyo ifanye  usajili mwingine katika dirisha dogo.

Pluijm alisema mchezaji mzuri anaweza kucheza katika mazingira ya aina yoyote bila kujali hali ya hewa au uwanja mbovu.

Yanga kwa sasa inakabiliwa na michuano ya Ligi ya Mabingwa Afrika wakitarajiwa kushuka dimbani kesho kuivaa Township Rollers, jijini Gaborone, Botswana baada ya mchezo wa awali kulazimishwa sare ya 1-1, kwenye Uwanja wa Taifa, Dar es Salaam.

Read more »

8:58 PM


NA ABDULAH MKEYENGE

SIKU chache kutoka sasa Uwanja wa Ndege wa Kimataifa wa Tanzania utapokea wageni kutoka Zambia.Moja ya wageni hao atakuwa Thaban Kamosoko.
Huyu ni nyota wa zamani wa Yanga na kiungo mpya wa Zesco United. Aliwahi kusema mwanafalsafa mmoja kuwa usimkatie tamaa mwanadamu mpaka awe amelala katika shimo la futi sita.
Kamusoko atakuja na timu ya Zesco United kucheza na Yanga. Wale mashabiki waliowahi kusimama nyuma yake kwa kumpigia makofi, wataenda kugeuka kuwa ‘maadui’. Watamzomea, watamdhihaki. Maisha yamekwenda kasi kwa Kamusoko na Yanga.
Katika mechi ya namna hii ulitarajia kumuona Kamusoko akiwa kiungo wa Yanga, lakini kimaajabu kabisa Kamusoko atakuwa kiungo wa upinzani.Kamusoko si mgeni machoni wala masikioni mwetu. Anakuja katika ardhi ambayo aliwahi kufurahia maisha yake ya mpira. Ni katika ardhi hii alikopata jina na sifa.
Kinachouma zaidi ni kwamba Kamusoko alikuja Yanga siku za mwisho mwisho za Yusuph Manji. Alichokitoa hakikuendena na alichokuwa anakipata.Licha ya kutoa kitu kikubwa na kupata kitu kidogo, lakini alibaki kuwa mchezaji muaminifu.
Alipambana hadi tone lake la mwisho la jasho lake. Hakujali timu inapitia nyakati gani. Alichojali ni kutimiza majukumu yake.
Alitimiza majukumu yake kama mchezaji. Hata alipoondoka watu wa Yanga walimshukuru kwa moyo mmoja. Sijui jinsi watakavyompokea, lakini sidhani kama watamuona kama adui yao.
Kamusoko anaingia katika kundi la wachezaji wa upande mmoja kukubaliwa na mashabiki wa upande mwingine. Wachezaji wa namna hii hawako wengi.
Said Ndemla wa Simba na Abubakar Salum ‘Sure Boy’ wa Azam FC ni miongoni mwao. Ndemla, Sure Boy ni wachezaji wa Simba, Azam FC lakini aghalabu kukuta mashabiki wa Yanga wanawasema vibaya. Kamusoko ni mchezaji wa kariba hii.
Aina yake ya mchezo kiwanjani inamvutia kila mshabiki. Narudia tena wachezaji wa aina hii hawako wengi. Wako wachache wanaohesabika.
Sijui mapokezi yake yatakavyokuwa. Sijui. Lakini sioni kama anaweza kukutana na wakati mgumu. Akizomewa na mashabiki wa Yanga, atashangiliwa na mashabiki wa Simba. Hawezi kukosa vyote. 
Sikumbuki njia ambayo Yanga waliitumia kumuaga Kamusoko. Sikumbuki, lakini wanaweza kuutumia mchezo huu kuagana nae vyema. Huyu akamkumbatia yule kumtakia kila la kheri na yule akamkumbatia huyu. Waungwana huwa wanaagana hivi. Kamusoko si mchezaji wa kuagwa juu juu kama vile unamuaga Adam Salamba au Said Makapu.
Muda huu mchache uliobaki kabla ya Kamusoko kuja tena nchini akiwa na jezi za Zesco United tujiandae kumpokea na maua yetu mkononi.
Tumlaki. Tumpeti peti, mwisho kabisa tuwatakie kheri Yanga katika mchezo huo. Kumkumbatia haina maana ndiyo tunataka timu yake iitoe Yanga. Kama Watanzania tusimame pamoja kuitakia kheri Yanga.
@@@@@@@@@@@@@.
Mna bahati nyie, nusu Manara aweke rekodi
ABDULAH MKEYENGE
IMEFICHUKA bwana! Unaambiwa katika Simba Day, Mkuu wa Idara ya Habari na Mawasiliano wa Simba Hajji Manara alitaka kushuka Uwanja Taifa kutambulisha wachezaji wa Simba kwa usafiri wa Helkopta.
Kuna baadhi ya mambo yalikosekana kidogo tu, lakini mpango mzima ulikuwa umeshasukwa na ilibaki kidogo tu Manara ashuke uwanjani hapo na usafiri huo.
Baada ya mpango huo kushindikana Manara aliamua kuja kivingine kwa kuingia na kundi la Mabaunsa waliomzunguka kila alipokwenda.
@@@@@@@@@@@@.

Read more »

8:57 PM

IILINICHANGANYA kidogo wakati Simba walipoachana na beki wao wa kulia, Zana Koulibaly aliyetua kwa mbwembwe msimu uliopita. Alianza kwa kuboronga, akaonekana mzito. Kadiri siku zilivyosonga mbele watoto wa mjini wakasema ‘Gari limewaka’.

Baadaye akawa mchezaji muhimu. Mechi nyingi muhimu za CAF akacheza. Mwishoni mwa msimu akaachwa na akaenda AS Vita ya Congo. Ilinidhanganya kidogo. Vita waliona nini kwa Coulibaly? Mchezaji ambaye Simba hawakuamini kwamba angewafaa msimu huu alichukuliwa na Vita, moja kati ya klabu bora na kubwa Afrika.

Nikakumbuka kwamba beki wa kulia wa Simba, Shomari Kapombe alikuwa mbioni kurudi kutoka katika majeraha. Shomari ni beki bora zaidi wa kulia wa zama hizi. Nikawaza, ina maana Shomari ni bora kuliko Koulibaly? Jibu ni ndio. Bora kwa mbali zaidi.

Nikakumbuka kwamba kilichomrejesha Shomari nchini kilikuwa ni uzembe fulani tu. Klabu ya Caen ilimuweka afanye mazoezi pale kwao wakati akipikwa kumudu soka la Ulaya. Sijui ilikuwaje akarudi. Ninachojua leo hii Shomari angekuwa mmoja kati ya mabeki bora wa pembeni Ulaya. Angeweza kutoka katika soka la Ulaya kabla ya Mbwana Samatta.

Hii ilinikumbusha kwamba tunawapokea wachezaji wengi wa kigeni kutoka nje, tunawalipa pesa nyingi, lakini mwisho wa siku tuna wachezaji bora wa ndani kuliko wageni. Lakini hapa hapa unawaza jinsi ambavyo kina Shomari walivyozembea kuwa hapa.

Simba inaweza kuachana na mchezaji wa kigeni atakayegombewa na Vita kwa ajili ya kupewa jeuri na beki wa kizawa. Inafurahisha moyoni. Lakini hapo hapo inatia simanzi tunapokumbuka kwamba hata hawa wageni ambao wanatamba leo wanacheza nafasi hizi kwa sababu ya uzembe wa wazawa tu.

Katika kisa hivi cha Shomari na Koulibaly unakumbana na kisa cha Asante Kwasi na Mohamed Hussein ‘Tshabala’. Nini kimetokea? Kwasi ambaye ni Mghana ameachwa na amekwenda Baroka ya pale Afrika Kusini. Wakati tukiwaza kwamba ‘Tshabalala’ siku moja acheze Ligi Kuu ya Afrika Kusini kumbe ana uwezo wa kumsugulisha benchi mchezaji staa wa kigeni ambaye ataonekana mali katika Ligi Kuu ya Afrika Kusini.

Hii ina maana Tshabalala ana uwezo wa kucheza Baroka bila ya shida. Au Utanzania wake ungeweza kuwa shida? Lakini tukumbuke Abdi Banda alicheza pale kiasi cha kufikia kupewa unahodha. Inachanganya kidogo.

Ina maana Tshabalala angeweza kucheza Baroka, kisha akaonyesha kiwango kizuri halafu angenaswa na timu kubwa zaidi ya Baroka. Nini kinamtokea? Labda hana njia za kutoka. Mpira wa Afrika Kusini unalipa vizuri kuliko wa nyumbani.

Lakini hapo hapo linajitokeza jambo jingine. Inawezekana Simba kwa sasa imekuwa timu kubwa kuliko Vita na Baroka. Inawezekana. Labda Simba itolewe mapema katika hatua hii lakini kwa kufuatilia takwimu za msimu uliopita basi Simba ni timu kubwa kuliko Vita na Baroka. Kwamba zinaweza kumuona mchezaji hafai halafu ‘akaokotwa’ na klabu hizo.

Lakini hapo hapo kuna jambo jingine ambalo limejificha ndani yake. inawezekana Simba haikujua kuwatumia mastaa hao na huenda baada ya muda mfupi Simba ikaumbuka. Hilo nalo lipo lakini ina tafsiri pana zaidi.

Kwa mfano, Laudit Mavugo alionekana hafai Simba lakini amekuwa mfungaji bora katika Ligi Kuu ya Zambia. Katika ligi ngumu yenye wachezaji mafundi kama Zambia inakuaje yule ‘Mchovu’ Mavugo aibuke kuwa mfungaji bora? Mpira wetu una matatizo au mpira wa Zambia una matatizo.

Itakuwaje kama Kwasi akichaguliwa kuwa mchezaji bora katika kikosi cha Baroka msimu ujao?

Tutaweka wapi sura zetu? Kama akiitwa katika kikosi cha Timu ya Taifa ya Ghana ambayo wakati mwingine huwa inaangalia wachezaji kutoka Afrika Kusini tutaweka wapi sura zetu?

Hawa wachezaji wetu, Koulibaly na Kwasi wameacha maswali mengi ya msingi. Naendelea kuamini kuwa tuna wachezaji wengi wa ndani wenye uwezo kuliko wachezaji wa kigeni lakini hawachezi kwa asilimia 100. Shomari na Tshabalala wanacheza kwa asilimia 100 na wamewang’oa wageni mahiri katika nafasi zao.

Ni kama ninavyoamini hawa kina Meddie Kagere wanang’ara kwa sababu zama za kina Mohamed Hussein ‘Mmachinga’ zimepita. Angecheza wapi mchezaji anayeitwa Sibomana kama angemkuta Edibily Lunyamila katika ubora wake? Labda Shomari na mwenzake wametuonyesha kwamba tukicheza soka la asilimia zote na kujituma hatuhitaji sana wachezaji wa kigeni.

Koulibaly na Kwasi wamenifikirisha kwa maswali mengi ambayo hayana majibu. Kama Simba imechukua uamuzi sahihi kuhusu wao basi nadhani kuna umuhimu wa kuanzisha mjadala kuhusu wachezaji wetu wa ndani. Naamini wanatoa ruhusa kubwa ya wageni kutamba.

Pengine hili si la uongozi wa TFF wala klabu zao. Pengine wajitakafari zaidi.

Kwanini Simba wamemuamini zaidi Shomari kuliko Koulibaly aliyecheza mechi nyingi?

Read more »

6:25 AM


BAADA ya Simba kutolewa katika michuano ya kimataifa, kiungo wa timu hiyo, Said Ndemla amesema kuwa inahitajika juhudi kubwa kwa sasa kupata nafasi ya kucheza katika kikosi hicho.

Mchezaji huyo awali alikuwa akitegemea kupata nafasi katika kikosi cha kwanza endapo wachezaji wengine watakuwa wameiwakilisha Simba katika michuano ya kimataifa, jambo ambalo kwa sasa halipo kutokana Simba kutolewa.

Akizungumza na Championi Jumatano, Ndemla alisema kuwa Simba ina wachezaji wengi sana haswa katika eneo la kiungo, msimu uliopita alipata nafasi baada ya wachezaji wengine kupumzishwa kutokana na kucheza mechi za kimataifa, hivyo baada ya Simba kutolewa mapema itabidi ajitume zaidi ili apate nafasi ya kucheza.

“Simba kuna wachezaji wengi kwenye eneo la kiungo, msimu uliopita nilipata nafasi ya kuanza kwenye mechi ya ligi kutokana na wachezaji wengine kutoka kwenye mechi za kimataifa, msimu huu tumetoka mapema hivyo hakuna jinsi itabidi nipambane ili nimshawishi kocha anipe nafasi,” alisema Ndemla.

Read more »

6:24 AM

BAADA ya kuwaumiza mashabiki wao kutokana na matokeo mabaya ya michuano ya Ligi ya Mabingwa Afrika, kikosi cha Simba kimejipanga kuwafuta machozi mashabiki wao kwa kufanya kweli Ligi Kuu Tanzania Bara.

Simba ambao msimu uliopita walifika hatua ya robo fainali ya michuano hiyo, kipindi hiki wameishia hatua ya awali baada ya kutolewa na UD Songo ya Msumbiji. Wekundu wa Msimbazi hao, walianza michuano hiyo kwa sare ya kutofungana nchini Msumbiji, kisha kulazimishwa sare ya bao 1-1 kwenye Uwanja wa Taifa, jijini Dar es Salaam.

Kitendo hicho kiliwaumiza wapenzi wengi wa Simba waliohudhuria mechi hiyo kwasababu kila mmoja alikuwa amejiandaa kushangilia ushindi.

Tangu Jumapili iliyopita mchezo huo ulipochezwa, bado hali haijawa nzuri kwa wapenzi wa Simba, hususan kutokana na kejeli zinazoendelea kutoka kwa watani zao Yanga.

Hata hivyo benchi la ufundi la Simba, limekuja na mkakati mpya wa kuhakikisha wanarudisha tabasamu kwa mashabiki wao, mojawapo ikiwa ni kushinda mechi za Ligi Kuu Bara mfululizo.

Malengo yaliyokuwepo si kushinda pekee na kupata pointi tatu, bali ushindi wa mabao mengi kuanzia matano na kuendelea. Kikosi hicho hakijapumzika tangu mchezo wake na UD Songo, kocha mkuu, Patrick Aussems, ameendelea kuumiza kichwa ya kusaka mbinu ya kurejesha furaha Msimbazi.

Tofauti na kocha, benchi zima la ufundi limeungana kuhakikisha kila mmoja anasimama katika nafasi yake kuwaweka sawa wachezaji. Unapofika katika mazoezi yao yanayofanyika viwanja vya Gymkhana, hakuna mtu anayekaa chini, kuanzia meneja, daktari na makocha wasaidizi.

Kila mmoja anahakikisha mchezaji yuko sawa na anafuata programu ya mwalimu kama inavyotakiwa. Akizungumzia mikakati yake, Aussems alisema hakuna kitu kingine anachofikiria kwasasa zaidi ya Ligi Kuu Bara na Kombe la Shirikisho la Azam litakapoanza.

Alisema hayakuwa matarajio yao kufanya vibaya katika Ligi ya Mabingwa Afrika, lakini imetokea kutokana na hali ya kimpira na kuwafanya wawe na huzuni msimu huu.

“Malengo yetu kwa sasa ni kufanya vizuri kwenye mashindano yote kuanzia Ligi Kuu Bara, Kombe la FA na mingine ambayo tutashiriki,” alisema Aussems.

Naye Meneja wa Simba, Patrick Rweyemamu, alisema  kitu pekee kitachorudisha furaha kwa haraka ni kushinda mabao kuanzia matato kwenda mbele katika ligi.

“Kuondolewa kwetu mapema kumewaumiza Wanasimba, hata upande wetu kuna vitu tutavikosa, lakini hiki ni kipindi cha mpito tu,” alisema. Simba inatarajia kuanza ligi kesho kwa kuvaana JKT Tanzania kwenye Uwanja wa Uhuru.

Read more »

5:32 AM

NA JESSCA NANGAWE

STRAIKA wa zamani wa Simba, Mganda Emmanuel Okwi, amekitaka kikosi cha Simba kusahau matokeo ya michuano ya kimataifa kwasababu ni kama wameteleza tu.

Okwi ambaye aliichezea Simba kwa mafanikio makubwa kabla ya kutimkia katika klabu ya Al Ittihad ya nchini Misri, bado ameendelea kuonyesha mapenzi yake kwa Wekundu hao wa Msimbazi.

Akizungumza na DIMBA Jumatano, Okwi alisema kukwama kwa kikosi hicho kusonga mbele katika michuano hiyo ni kuteleza tu kwasababu anatambua uwezo mzuri wa kila mchezaji aliyesajiliwa kwa sasa.

“Nadhani wameteleza tu, Simba ina kikosi imara na ambacho kingeweza kufika mbali zaidi ya mwaka jana ambapo tuliishia hatua ya robo fainali, nadhani kwasasa watulie wajipange na ligi ili waweze kutimiza mipango yao,” alisema Okwi.

Ndoto za Simba kushiriki michuano ya Ligi ya Mabingwa Afrika kwa mara nyingine zilizimwa Jumapili iliyopita kwenye Uwanja wa Taifa baada ya kukubali sare ya 1-1 katika mchezo wa marudiano dhidi ya UD Songo ya nchini Msumbuji.

Kwasasa kikosi hicho kilichopo chini ya kocha Patrick Aussems kimegeukia Ligi Kuu Tanzania Bara na kitatupa karata yake ya kwanza dhidi ya JKT Tanzania.

Read more »

8:40 AM ,

Azam FC imefanikiwa kuibuka na ushindi wa bao 1-0 dhidi ya KMC FC, mechi ikichezwa kunako Uwanja wa Uhuru jijini Dar es Salaam.

Mechi hiyo iliyokuwa ya aina yake kwa timu zote mbili kucheza soka la kuvutia, ulimshuhudia mshambuliaji Idd Suleiman Nado akitupia kambani bao hilo katika dakika ya 15 ya mchezo.

Bao hilo limefanikiwa kudumu kwa dakika zote 90 mpaka mpira unamalizika matokeo yakiwa ni 1-0.

Timu hizo mbili zimekutana kwa mara ya kwanza katika ligi tangu kumalizika kwa msimu uliopita.
Read more »
Subscribe to: Posts (Atom)

Author Name

Contact Form

Name

Email *

Message *

Powered by Blogger.