May 2020

12:06 AM

BARAKA Majogoro nyota anayekipiga ndani ya Klabu ya Polisi Tanzania amesema kuwa sababu kubwa ya kuchagua kutumia jezi namba 15 uwanjani ni kuikumbuka siku yake aliyoletwa duniani.

Akizungumza na Saleh Jembe, Majogoro amesema kuwa anapenda kuitumia jezi hiyo kwa kuwa anakumbuka tarehe aliyoletwa duniani.

"Napenda kuitumia jezi namba 15 kwa kuwa ni namba ya tarehe ambayo nililetwa duniani hivyo nikiwa nayo mgongoni ninapenda na ninakumbuka siku yangu ya kuletwa duniani.

"Nililetwa duniani Mei 15 hivyo ninaienzi siku kwa kuiweka mgongoni na kufanya kile ambacho ninakipenda siku zote," amesema.

Kiungo huyo amekuwa kwenye ubora wake na tayari ameshaanza mazoezi na timu ya Polisi Tanzania baada ya Serikali kuruhusu shughuli za michezo kuanza.

Hakukuwa na mechi ya ushindani tangu Machi 17 baada ya Serikali kusimamisha masuala ya michezo kutokana na janga la Virusi vya Corona ambavyo vinaivuruga dunia. 

Tayari masuala ya michezo yaeruhusiwa kuanza ifikapo Juni Mosi na Ligi Kuu Tanzania Bara inatarajiwa kuanza Juni 13
Read more »

12:05 AM

IBRAHIM Ajibu, kiungo mshambuliaji wa Simba atakaa nyumbani kwa muda wa saa 48 bila kujumuika na wenzake wa Simba kutokana na adhabu aliyopewa na Kocha Mkuu Sven Vandenbroeck.

Vandernbroeck alimrudisha Ajibu nyumbani jana,Mei 29 na kusema kuwa anaweza kurejea Jumatatu ambayo ni Juni Mosi akikosekana kambini kwa muda wa siku mbili ambazo ni sawa na saa 48.

Sven amesema kuwa amelazimika kumrudisha nyumbani Ajibu kutokana na kosa lake la kuchelewa mazoezini.

 "Adhabu ya Ajibu itamalizika Jumatatu ijayo hivyo ataweza kujumuika na wachezaji wenzake kujiandaa na michezo ya Ligi Kuu Tanzania Bara.Kosa la Ajibu ni kuchelewa mazoezini na sio jambo lingine.

“Ajibu alichelewa, nikiwa kocha nikawajibika kumrudisha nyumbani ikiwa ni sehemu ya kumuadhibu. Nadhani anaweza kurejea kikosini Jumatatu,” amesema kocha huyo.

Simba iliwasili kambini Mei 27 na kuanza maandalizi kwa ajili ya mechi za Ligi Kuu Bara na Kombe la Shirikisho
Read more »

12:05 AM


IMEWEKWA wazi kuwa, asilimia 90 nyota wa Coastal Union, Bakari Mwamnyeto yupo kwenye hatua ya kutua ndani ya Klabu ya Yanga ambayo imeonesha nia ya kupata saini yake.

Kassa Mussa, meneja wa beki huyo amesema mazungumzo na mabosi wa Klabu ya Yanga yamekwenda vizuri.

Meneja huyo aliweka wazi kuwa Yanga iliwekeza nguvu nyingi kupata saini ya beki huyo ili kujiunga ndani ya timu yao licha ya kutakiwa na timu nyingi.

 "Yanga waliwekeza nguvu kubwa ya kumtaka mchezaji wetu na jitihada zao zimezaa matunda kwa maana kwa asilimia 90 kila kitu kimekwenda sawa. 

"Kinachosubiriwa kwa sasa ni msimu kumalizika ili atoke zake hapo alipo aibukie Yanga kwa ambapo tumefika ni ngumu dili lake kushindikana," amesema Kassa.

Beki huyo chipukizi ni tegemeo kikosi cha kwanza pia ni nahodha licha ya kuwa ni beki ametupia bao moja
Read more »

12:04 AM

UONGOZI wa Simba umesema kuwa mechi yao ya Kombe la Shrikisho hatua ya robo fainali dhidi ya Azam FC itakuwa ni ngumu na ya kisasi.

Jana, ratiba ya hatua ya robo fainali ilipangwa ambapo Simba itakutana na Azam FC ambao ni mabingwa watetezi wa kombe hilo walilolitwaa kwa kuitwanga Lipuli FC bao 1-0.

Sven Vandernbroeck, Kocha Mkuu wa Simba amesema kuwa anaamini utakuwa mchezo mgumu kutokana na Azam FC kuwa ni mabingwa watetezi na waliwafunga walipokutana kwenye mechi ya ligi.

"Utakuwa ni mchezo mgumu ukizingatia kwamba Azam FC tuliwafunga kwenye mechi yetu tulipokutana hivyo watajipanga kulipa kisasi.

"Tunajiandaa vizuri ili kuona namna gani tutapata matokeo kwani kila mechi kwetu tunachotazama ni matokeo," amesema.

Mchezo huo unatarajiwa kuchezwa Juni 27 Uwanja wa Taifa, mshindi wa mchezo huo atakutana na mshindi kati ya Yanga ama Kagera Sugar
Read more »

12:03 AM
MSHAMBULIAJI wa Inter Milan, Mauro Icard anayekipiga kwa mkopo ndani ya Paris Saint-Germain (PSG) inaelezwa kuwa anataka kubaki jumla ndani ya timu hiyo.

Raia huyo wa Argentina, alijiunga na mabingwa wa Ligue 1 mwanzoni mwa msimu wa 2019-20 akitokea Inter Milan amecheza jumla mechi 31 na kutupia mabao 20.

Bosi wa PSG Thomas Tuchel, inaelezwa kuwa ameanza mpango wa kufanya naye mazungumzo ili abaki ndani ya kikosi hicho.

Mshambuliaji huyo amekuwa ni mbadala wa Edinson Cavan wakati alipokuwa na majeraha kabla ya masuala ya michezo kusimamishwa kutokana na janga la Virusi vya Corona.


Amekuwa na muunganiko mzuri ndani ya kikosi wakiunga utatu wao dhidi ya Kylian Mbappe na Neymar ambao wote ni washambuliaji
Read more »

9:42 AM

MIRAJ Athuman,’ Sheva’ ni mzawa anayekipiga ndani ya Simba ambaye ni ingizo jipya kwa msimu wa 2019/20 akitokea ndani ya Lipuli.
Sheva hakuwa na mbwebewe sana wakati wa usajili wake wakati mastaa ikiwa ni pamoja na Ibrahim Ajibu, Deo Kanda , Wilker da Silver, Tairon Santos , Gerson Fraga na mastaa wengine walitambulishwa saa saba ila yeye akaona isiwe tabu akapiga picha nyuma ya bango na kuiachia kwenye mitandao ya kijamii.
Hakutambulishwa kama mastaa wengine ila muda aliotumia uwanjani na mambo aliyoyafanya ni maajabu makubwa kwani anaonyesha ana kile kipaji kutoka moyoni.
Simba ikiwa imefunga mabao 63 kwenye Ligi Kuu Bara amehusika moja kwa moja kwenye mabao tisa ambapo amefunga mabao sita, pasi moja ya bao na amesababisha penalti mbili.
Hatua kwa hatua SpotiXtra inakuletea maajabu ya Sheva ndani ya uwanja kitaifa na kimataifa twende sawa.
Mabao yake haya hapa
Bao lake la kwanza aliwatungua JKT Tanzania, Agosti 28 Uwanja wa Uhuru kwa kichwa dakika ya 73 akimalizia pasi ya Meddie Kagere.
Bao la pili aliwatungua Mtibwa Sugar ilikuwa Septemba 19, Uwanja wa Uhuru kwa guu la kushoto dakika ya 68 pasi ya Sharaf Shiboub.
Bao la tatu aliwatungua Biashara United, Septemba 29 kwa guu la kushoto asisti ya Ajibu dakika ya 55.
Bao la nne aliwatungua Singida United, Oktoba 27 Uwanja wa Sheikh Amri Abeid dakika ya 42 kwa pasi ya Mzamiru Yassin alifunga kwa guu la kushoto aliwatungua Ruvu Shooting ilikuwa Novemba 23, dakika ya 39 kwa kichwa pasi ya Shomari Kapombe na bao la sita alifunga dakika ya 74 kwa guu la kulia
Huyu hapa ametengenezewa mabao
Kagere alitengenezewa asisti bao kwa Meddie Kagere mbele ya Biashara United pia alisababisha penalti mbili ndani ya ligi na zilifungwa na Kagere.
Ilikuwa mbele ya Kagera Sugar Uwanja wa Kaitaba wakati Simba ikishinda mabao 3-0 na Mbeya City Uwanja wa Uhuru wakati Simba ikishinda mabao 4-0.
Erasto Nyoni beki kiraka aliingia kwenye rekodi za kimataifa kwa kufunga bao moja kwenye Ligi ya Mabingwa Afrika wakati Simba ikilazimisha sare ya kufungana bao 1-1 dhidi ya UD Songo Uwanja wa Taifa.
Ni yeye Sheva alisababisha penalti wakati Simba ikiwa chini ya Kocha Mkuu, Patrick Aussems,’Uchebe’ ambaye ameshachimbishwa ilikuwa Agosti 25.
Bao la upande wa UD Songo lilijazwa kimiani na Luis Misqussone kwa adhabu ya faulo ila kwa sasa yupo ndani ya Simba.
Mechi alizocheza kwenye Ligi Kuu Bara ni tisa kati ya 28 ametumia dakika 508 uwanjani kutokana na kusumbuliwa na maumivu ya nyama za misuli aliyoyapata mwaka jana kwenye timu ya Taifa ya Tanzania.
Mechi zake hizi hapa
 Mechi zake alizocheza  ilikuwa namna hii:-JKT Tanzania (30), Mtibwa Sugar (27) Kagera Sugar, (29), Biashara United (83), Azam FC (33), Singida United, (81), Mwadui (45), Mbeya City (90), Ruvu Shooting (90).
Spoti Xtra limefanya mahojiano na Sheva ambapo alifunguka namna hii:-
“Wakati wangu wa kuwa nje ya uwanja kuna vitu vigi nilikuwa ninakosa ila kwa kuwa sikuwa na namna ya kufanya ilibidi nifuate ushauri na maelekezo ya wataalamu.
Kipi ulikikosa?
“Mpira ni kazi yangu na mashabiki wangu walikosa kuona nikiwa ndani ya uwanja ila kwa sasa nimeanza kurejea kwenye ubora wangu nina amini mambo yatakuwa sawa. 

Janga la Corona kwako unalitazamaje?
“Balaa kweli yaani mambo mengi yamebadilika kwa sasa kila mmoja hana amani, ninaamini tutapita salama katika wakati huu mgumu ambao tunapitia na maisha yataendelea.
Dakika chache uwanjani ila mambo makubwa kwa nini?
“Kuamini katika kile ambacho ninakifanya, kujituma na kupambana bila kukata tamaa. Kila mchezaji alikuwa ananipa ushirikiano hivyo name nina amini bado nina nafasi ya kufanya vizuri ligi itakaporejea kikubwa ni sapoti,” anamalizia Sheva
Read more »

9:41 AM

HASSAN Dilunga, kiungo mshambuliaji wa Klabu ya Simba ni miongoni mwa nyota ambao tayari wameanza mazoezi ya pamoja na timu yake.

Mei 27 Simba ambao ni mabingwa watetezi wa Ligi Kuu Bara waliripoti kambini na kufanyiwa vipimo vya afya kisha jioni walianza kufanya mazoezi mepesi ikiwa ni maandalizi ya awali kabla ya kurejea kwenye mechi za ushindani.

Hakukuwa na mechi ya ushindani ndani ya Bongo tangu Machi 17 baada ya masuala ya michezo kusimamishwa na Serikali kutokana na janga la Virusi vya Corona.

Kwa sasa tayari Serikali imeruhusu masuala ya michezo kurejea kuanzia Juni Mosi.Bodi ya Ligi iliyo chini ya Shirikisho la Soka Tanzania,(TFF) imesema kuwa Juni 13 masuala ya ligi yataaza rasmi.

Dilunga ni miongoni mwa wazawa wenye kazi ya kuanzia pale ambapo waliishia wakati ligi ikisimama.

Wakati Simba ikiwa imetupia mabao 63 amehusika kwenye mabao 9 akifunga mabao sita na kutoa pasi tatu za mabao.

Katika mabao hayo sita bao lake la kwanza msimu huu aliwatungua Lipuli wakati Simba ikishinda mabao 4-0 Uwanja wa Uhuru kwa mkwaju wa penalti.

Kocha Mkuu wa Simba Sven Vandernbroeck amesema kuwa morali ya wachezaji ni kubwa na anaamini kuwa watarejea kwenye ubora wao baada ya muda mfupi
Read more »

9:40 AM

HITIMANA Thiery, Kocha Mkuu wa Namungo FC amesema kuwa hakuna shida kwao kucheza mechi zilizobaki jijini Dar es Salaam.

Masuala ya michezo yalisimamishwa tangu Machi 17 ambapo hakukuwa na mechi yoyote ya ushindani iliyochezwa kutokana na janga la Virusi vya Corona.

Akizungumza na Saleh Jembe, Hitimana amesema kuwa anaamini kwamba kilichotokea kwa sasa ni dharula hivyo hakuna kilichoharibika.

"Ujue kwa sasa hakuna ambacho unaweza kulaumu kwani ni dharula na hakuna ambaye alipanga kwa kuwa imetokea basi sisi tutapambana kupata matokeo mazuri kwani mpira ni dakika tisini," amesema.

Ligi tatu zimeruhusiwa kuanza ambazo ni Ligi Kuu Bara, Ligi Daraja la Kwanza na la Pili pamoja na Kombe la Shirikisho ambapo zitachezwa kwa mtindo wa vituo, Ligi Kuu na Kombe la Shirikisho zitachezwa Dar na Ligi Daraja la Kwanza na la Pili zitachezwa Mwanza
Read more »

9:38 AM

MANCHESTER City, inaelezwa kuwa ipo kwenye mpango wa kumrejesha nahodha wa zamani wa kikosi hicho Vincent Kompany.
Nyota huyo mwenye miaka 34 alisepa ndani ya City msimu uliopita baada ya kutwaa ubingwa wa Ligi Kuu England na kuibukia ndani ya Klabu ya Anderlecht ambako huko ni kocha mchezaji.
Akiwa ndani ya City alikiongoza kikosi hicho kutwaa ubingwa wa Ligi Kuu England mara nne jambo ambalo linakumbukwa ndani ya kikosi hicho kilicho chini ya Kocha Mkuu, Pep Guardiola.
Beki huyo bado anakumbukwa ndani ya City inayotumia uwanja wa Etihad kutokana na mchango wake mkubwa huenda akitua ndani ya kikosi hicho atapewa pia jukumu la kuwa msaidizi wa Guardiola ambaye msaidizi wake wa zamani Mikel Arteta kwa sasa ni kocha mkuu Arsenal
Read more »

9:37 AM

SVEN Vandernbroeck, Kocha Mkuu wa Simba amesema kuwa amemrudisha nyumbani kiungo mshambuliaji wake Ibrahim Ajibu kutokana na kosa la kuchelewa kambini. 

Wachezaji wa Simba waliripoti kambini Mei 27 ambapo walipofika walifanyiwa vipimo na kuanza mazoezi jioni kwa kufanya mazoezi mepesi.

Sven amesema kuwa Ajibu hakutoa taarifa jambo lililosababisha amsimamishe kwa muda atamrejesha kikosini pale atakapoona inafaa.

Ajibu ndani ya Simba amefunga bao moja na kutoa pasi nne za mabao aliibukia kikosini hapo akitokea Yanga msimu wa 2019/20
Read more »

5:35 AM

LEO Mei 29 droo ya ratiba ya mechi za robo Fainali imepangwa makao makuu ya Azam TV ambapo tayari timu zote nane zimejua zitakutana na nani kwenye mechi zinazotarajiwa kuchezwa Juni.

Bingwa mtetezi wa Kombe la Shirikisho ambaye ni Azam FC atakutana na Simba.

Kagera Sugar iliyo chini ya Mecky Maxime  itamenyana na Yanga iliyo chini ya Luc Eymael.

Alliance itamenyana na Namungo huku Sahare All Stars ambayo ni timu pekee inayoshiriki Ligi Daraja la Kwanza kutinga hatua ya robo fainali itamenyana na Ndanda.

Hivi ndivyo Yanga na Simba zitakavyoweza kukutana:-

Mshindi wa mechi kati ya Simba na Azam atakutana na mshindi kati ya mechi ya Yanga na Kagera Sugar, hivyo ili hawa watani wajadi wakutane ni lazima kila mmoja ashinde mechi yake ili wakutane hatua ya nusu fainali.

Kwa upande wa Alliance na Namungo wao mshindi nusu fainali atamenyana na yule atakayeshinda mechi kati ya Ndanda na Sahare All Stars.
Read more »

1:54 AM

LIGI Kuu England inatarajiwa kurejea rasmi Juni 17 kwa mechi mbili ambazo zilikuwa viporo kati ya Manchester City dhidi ya Arsenal na ule kati ya Aston Villa dhidi ya Sheffield.

Mechi nyingine zitaendelea kurindima Juni 20 huku mpango wa kumalizia ligi hiyo ambayo mabingwa watetezi ni Klabu ya Manchester City ikitarajiwa kumalizika mapema mwezi Agosti.

Aston Villa ambayo anakipiga nahodha wa timu ya Tanzania, Mbwana Samatta ina kibarua kizito cha kupambana ili kubaki ndani ya ligi msimu ujao kutokana na kutokuwa na mwendo mzuri.



Ikiwa imecheza mechi 28 imejikusanyia jumla ya pointi 25 kibindoni itapambana na Sheffield iliyo nafasi ya saba kwenye msimamo na kibindoni ina pointi 43.

Hakukuwa na mchezo wa kiushindani tangu Machi 13 kutokana na janga la Corona ambalo linaivurugavuruga dunia na mechi zao zitakuwa bila mashabiki ili kuendelea kuchukua tahadhari.
Read more »

1:54 AM
LEO Mei 29 mbivu na mbichi zitajulikana kwa kila timu iliyotinga atua ya robo fainali kutambua itakutana na nani kwenye mchezo wao unaofuata.

Bingwa mtetezi wa Kombe la Shirikisho ni Azam FC ambaye alitwaa kombe hilo kwa kumtungua bao 1-0 Lipuli bao lililopachikwa kimiani na Obrey Chirwa.

Majira ya saa tano asubuhi droo itachezwa ili kila timu itambue nani atacheza naye.


Timu nane zilitinga hatua ya robo fainali ambazo ni Yanga Alliance FC, Azam FC, Kagera Sugar, Namungo FC, Ndanda FC na Simba hizi zipo Ligi Kuu Bara huku Sahare All Stars inayoshiriki Ligi Daraja la Kwanza.
Read more »

1:54 AM

SVEN Vandenbroeck, Kocha Mkuu wa Simba amesema kuwa anahitaji siku 21 ambazo ni sawa na saa 504 kwa ajili ya kukiaandaa kikosi chake kurejea kumalizia mechi 10 za Ligi Kuu Bara zilizobaki.
Masuala ya michezo ikiwa ni pamoja na Ligi Kuu Tanzania Bara, Ligi Daraja la Kwanza, la Pili, Ligi ya Wanawake, Ligi ya Mikoa yalisimamishwa na Serikali Machi 17 kutokana na janga la Virusi vya Corona ila kwa sasa Serikali imeruhusu shughuli hizo kuanza ifikapo Juni Mosi.
Juzi, wachezaji wa Simba waliwasili kambini rasmi na kufanyiwa vipimo vya afya kisha walifanya mazoezi katika uwanja wao uliopo Bunju ikiwa ni maandalizi kwa ajili ya mechi za Kombe la Shirikisho pamoja na ligi.
Sven amesema:- “Wachezaji wanahitaji wapate muda wa wiki tatu ili kujiweka sawa miili yao na mazoezi ukizingatia kwamba wamekaa muda mrefu bila mechi za ushindani hivyo ili miili yao irejee kwenye ubora ni lazima wapate muda wa kuirejesha kwa wakati.
“Nina amini ikiwa itakuwa hivyo basi kila kitu kitakwenda sawa na miili ya wachezaji itakuwa tayari kuanza kupambana kwenye mechi ngumu, malengo yetu ni kuona tunafanya vizuri kwenye mechi zetu zote tupo tayari.”
Simba ipo nafasi ya kwanza ikiwa imecheza mechi 28 kibindoni ina pointi 71 na imefunga jumla ya mabao 63 na kinara wa utupiaji ni Meddie Kagere mwenye mabao 19.
Read more »

1:52 AM

UONGOZI wa Yanga umefichua kuwa mbinu pekee itakayowarudisha kushiriki michuano ya kimataifa ni kutwaa taji la Kombe la Shirikisho ambalo lipo mikononi mwa Azam FC kwa kushinda mechi zote itakazocheza.
Kwenye Kombe la Shirikisho, Yanga ipo hatua ya robo fainali na bingwa wa kombe hilo huiwakilisha nchi kwenye mashindano ya kimataifa ya Kombe la Shirikisho Afrika.
Ofisa Habari wa Yanga, Hassan Bumbuli amesema kuwa mkakati mkubwa ni kuona timu inafikia malengo yao ikiwa ni pamoja na kushiriki michuano ya kimataifa.
“Tunahitaji kubeba taji la Kombe la Shirikisho na njia ni moja tu kushinda mechi zote tutakazocheza kuanzia pale tutakapokuwa ndani ya uwanja, iwapo tutashinda mechi zote tutakazocheza matokeo yake itakuwa ni kutwaa kombe  na kurejea kwenye michuano ya kimataifa hakuna jambo lingine tunalofikiria,” amesema Bumbuli.
Timu nane zilitinga hatua ya robo fainali ambazo ni Yanga yenyewe pamoja na Alliance FC, Azam FC, Kagera Sugar, Namungo FC, Ndanda FC na Simba zinazoshiriki Ligi Kuu Bara na Sahare All Stars inayoshiriki Ligi Daraja la Kwanza ratiba inatarajiwa kupangwa leo.
Read more »

1:52 AM

SALUM Abubakari,’Sureboy’ kiungo anayetajwa kuingia kwenye rada za Yanga anayekipiga ndani ya Klabu ya Azam FC amemkalisha jumlajumla nahodha wa Yanga Papy Tshishimbi kwenye mchango wake wa mabao ndani ya timu.
Azam FC iliyo chini ya Arstica Cioaba ikiwa imecheza mechi 28 imetupia kimiani jumla ya mabao 37 huku Sure Boy akihusika kwenye mabao matatu kwa upande wa Tshishimbi, Yanga ikiwa imefunga mabao 31 baada ya kucheza mechi 27 amehusika kwenye bao moja.
Sure Boy alimtengenezea pasi mbili, Obrey Chirwa kwenye mchezo dhidi ya KMC wakati wakishinda kwa mabao 3-1 na alitengeneza pasi moja aliyompa Joseph Mahundi wakati Azam FC ikishinda mabao 2-0 mbele ya Lipuli.Tshishimbi ana pasi moja ya bao aliyompa Tariq Seif kwenye mchezo wa Biashara United wakati wakishinda kwa bao 1-0.
Kwa upande wa mechi alizocheza kati ya 28 ni 23 na alikosekana kwenye mechi tano huku Tshishimbi naye akicheza mechi 23 akikosekana kwenye mechi nne.
Hizi hapa mechi za Sure Boy:-KMC, Polisi Tanzania, Ndanda, Namungo, JKT Tanzania, Simba,Yanga, Biashara United, Kagera Sugar, Ruvu Shooting, Alliance, Mwadui, Mtibwa Sugar, Lipuli, Mbeya City, Prisons, KMC, Coastal Union, Ndanda, Namungo, JKT Tanzania, Simba,  Ruvu Shooting.
Hizi hapa mechi za Tshishimbi:-Ruvu Shooting, Mbao FC , JKT Tanzania, Mbeya City, KMC , Prisons, Biashara United , Ndanda, Alliance, Simba , Azam FC, Singida United, Mtibwa Sugar, Lipuli, Ruvu Shooting, Mbeya City, Prisons , Polisi Tanzania, Coastal Union ,Mbao, Simba, KMC, Namungo.
Read more »

1:52 AM

SALUM Kimenya, beki kiraka wa Klabu ya Tanzania Prisons amesema kuwa kinachokwamisha dili lake la kutua ndani ya Simba ni dau kuwa chini kuliko lile analohitaji.
Kimenya amekuwa kwenye sarakasi za kujiunga na Simba mara nyingi ila mwisho wa siku anabaki kuendelea kukipiga ndani ya Prisons.
Akizungumza na Saleh Jembe, Kimenya ambaye anaurafiki mkubwa na nyavu kwa mabeki alisema kuwa dau limekuwa likikwamisha dili lake kuibukia Simba.
“Nimekuwa kwenye mazungumzo na baadhi ya timu ikiwa ni pamoja na Simba ila kilichoshindikana ni upande wa maslahi tu ndio maana unaniona bado nipo hapa nilipo wakati wa kuondoka ukifika nitatoka tu,” amesema Kimenya.
Tanzania Prisons ikiwa nafasi ya 9 na pointi zake 41 na mabao 26 yeye amefunga mabao manne.
Read more »
Subscribe to: Posts (Atom)

Author Name

Contact Form

Name

Email *

Message *

Powered by Blogger.