MICHEZO FORUM

BAADA ya kuongoza kikosi cha Simba kwenye mechi mbili za ligi na kushinda zote, Zoran Maki, Kocha Mkuu wa Simba anatarajiwa kukiongoza kikosi hicho kwenye mechi za kimataifa za kirafiki ambapo wanatarajia kucheza na Asante Kotoko ya Ghana.

Ni kwenye mashindan maalumu ambayo Simba wamealikwa yanatarajiwa kufanyika nchini Sudan wakialikwa na Klabu ya Al Hilal.

Jumatano ama Alhamisi vinara hao wa ligi wenye pointi sita wanatarajia kuondoka nchini Tanzania kuelekea kwenye mashindano hayo.

Ratiba ambayo imetolewa inaonyesha kwamba Agosti 28 watacheza mchezo wa kimataifa dhidi ya Asante Kotoko kisha Agosti 31 watacheza mchezo wa kirafiki wa kimataifa dhidi ya Al Hilal kisha kete ya tatu itakuwa ni Septemba 3,2022 dhidi ya AS Arta Solar.

Mtendaji Mkuu wa Simba, Barbara Gonzalez amesema kuwa ni heshima kwa Simba kualikwa kwenye mashindano hayo.

“Ni heshima kwetu kualikwa kwenye mashindano maalumu ambayo yanafanyika na hii inatokana na mahusiano mazuri na timu nyingine,”

Kikosi chetu kimeanza safari asubuhi hii kuelekea mjini Songea tayari kwa mchezo wa Jumatano wa kukamilisha msimu wa Ligi Kuu ya NBC dhidi ya Mbeya Kwanza.

SELEMAN Matola, Kaimu Kocha Mkuu wa Klabu ya Simba ameweza kuifanya timu hiyo kuweza kuogopesha kwenye mechi tatu ambazo amekaa kwenye benchi.

Matola amekaimu mikoba ya Pablo Franco ambaye alikuwa kocha mkuu kabla ya kufutwa kazi kutokana na kushindwa kufikia makubaliano ambayo alipewa na mabosi hao ikiwa I pamoja na kukosa ubingwa wa ligi na Kombe la Shirikisho.

Mchezo wa kwanza Matola aliongoza ilikuwa mbele ya Mbeya City na Simba ilishinda mabao 3-0 na mchezo wa pili ilikuwa Simba 3-1 KMC na ule wa tatu ilikuwa Simba 2-0 Mtibwa Sugar.

Kwenye msako wa pointi 9, Matola kasepa nazo zote huku safu yake ya ushambuliaji ikitupia mabao 8 na kuruhusu bao moja la kufungwa kwenye upande wa ulinzi na timu hiyo ipo nafasi ya pili ikiwa na pointi 60 baada ya kucheza mechi 28.

Matola amesema kuwa yote hayo wamekuwa wakiyafanyia kazi kwenye eneo la uwanja wa mazoezi.

“Ushindani ni mkubwa na wachezaji wanafanya kile ambacho tunawaelekeza hivyo ninawapongeza wachezaji kwa kuwa wamekuwa wakifanya vizuri na sapoti kutoka kwa mashabiki imekuwa kubwa,” .

Leo Simba inatarajia kumenyana na Tanzania Prisons kwenye mchezo wa ligi Uwanja wa Sokoine, Mbeya

Mashabiki waliojitokeza katika Uwanja wa Benjamin Mkapa wamemwagia pesa mlinzi wa kimataifa, Pascal Wawa wakati wa kuagwa baada ya kumalizika mchezo wetu dhidi ya Mtibwa Sugar.

Mchezo wetu wa mwisho katika Uwanja wa nyumbani wa Benjamin msimu wa 2021/22 dhidi ya Mtibwa Sugar umemalizika kwa ushindi wa mabao 2-0.

Pape Sakho alitupatia bao la kwanza dakika ya 16 baada ya kumalizia pasi ya kisigino iliyopigwa na Kibu Denis.

Peter Banda alitupatia bao la pili dakika ya 44 baada ya kupiga shuti lililokwenda moja kwa moja na kumshinda mlinda mlango wa Mtibwa, Shaban Kado.

Kiungo wa Mtibwa Said Ndemla alitolewa kwa kuonyeshwa kadi nyekundu dakika ya 66 baada ya kumchezea vibaya Sadio Kanoute.

Kocha Seleman Matola alifanya mabadiliko ya kuwatoa Denis Kibu na Pape Sakho na Kuwaingiza Yusuf Mhilu na Taddeo Lwanga.

Mtoto wa miaka mitano Bernadetha Joseph Mwamboneke amewawakilisha mashabiki wetu nchi nzima katika hafla ya kuwashukuru kwa kuwa pamoja nasi msimu mzima wa 2021/22.

Baada ya kutajwa sana kutakiwa na kujiunga baadhi ya klabu za hapa nchini,kiungo Morlaye Sylla wa klabu ya Horoya amejiunga na klabu ya Arouca ya nchini Ureno.

IMEELEZWA kuwa, Simba ipo katika mazungumzo ya mwisho kwa ajili ya kumuachia mshambuliaji wake, Yusuph Mhilu kwenda Singida Big Stars.

Mhilu ni kati ya washambuliaji waliosajiliwa na timu hiyo mwanzoni mwa msimu huu, kwa ajili ya kukiimarisha kikosi chao ambacho kimeshindwa kutetea mataji yake ya Ligi Kuu Bara na Kombe la Shirikisho la Azam Sports.

Singida tayari imeanza kufanya usajili kuelekea msimu ujao na baadhi ya nyota ikiwatambulisha akiwemo mshambuliaji wa Mbeya Kwanza, Habibu Kyombo.

Kwa mujibu wa taarifa ambazo imezipata Spoti Xtra, tayari mazungumzo yameanza kati ya Simba na Singida kwa ajili ya kumsajili Mhilu kwa mkopo wa mwaka mmoja.

Mtoa taarifa huyo alisema Simba ndio wamependekeza kumuachia mshambuliaji huyo kwenda huko kwa mkopo kwa ajili ya kupata nafasi kubwa ya kucheza.

“Simba huenda ikamuachia kwa mkopo Mhilu kwenda Singida ambayo imeonesha nia kubwa ya kumuhitaji kwa ajili ya msimu ujao.

“Tayari Singida imeanza mazungumzo ya kimyakimya na mshambuliaji huyo kwa ajili ya kujiunga na timu hiyo.

“Mhilu hakuwa na msimu mzuri Simba tangu alipotoka Kagera Sugar hali inayowafanya mabosi wa Singida kutumia mwanya huo kumshawishi kuitumikia timu yao japo kwa mkopo,” alisema mtoa taarifa huyo.

Mtendaji Mkuu wa Singida, Muhibu Kanu, juzi alizungumzia usajili wao kwa kusema: “Tumepanga kufanya usajili wetu wa kimyakimya ambao tutauweka wazi mara baada ya taratibu zote kukamilika. Hiyo ni baada ya kutangaza wachezaji tuliowaacha.”

UNAAMBIWA mchakato wa kupitia wasifu wa kumpata Kocha Mkuu wa Simba atakayerithi mikoba ya Pablo Franco, umekamilika na kwamba, kocha ajaye muda si mrefu atatangazwa kikosini hapo.

Hadi kufikia jana, kulikuwa na makocha wawili ambao walikuwa wakiangaliwa kwa mara ya mwisho ili mmoja kupitishwa akiwemo kocha wa zamani wa RS Berkane ya Morocco raia nchi hiyo, Tarik Sektioui. Mwingine ni Jozef Vukušič raia wa Slovakia.

Wakati makocha hayo wakitajwa, imeelezwa kwamba, kocha ambaye anatarajiwa kupitishwa, ameomba kuja na majembe matatu ya kazi akiwemo kocha wa viungo na wachezaji wawili.

Taarifa ambazo imezipata Spoti Xtra, zinasema kwamba, Sektioui ana nafasi kubwa ya kupewa mikoba hiyo.

Kocha huyo Oktoba 25, 2021, alikiongoza kikosi cha RS Berkane kutwaa Kombe la Shirikisho la CAF kwa ushindi wa 1-0 dhidi ya Pyramids FC ya Misri.

Chanzo chetu kutoka Simba, kimeweka wazi kwamba, baada ya uongozi kuchakata na kufanya mahojiano na makocha waliosalia kwenye ile orodha ya waliokuwa wakiwahitaji, Sektioui ameonekana kuwa na nafasi kubwa.

“Tayari tumeshapata kocha mkuu na kwamba taratibu zote za usajili unaoendelea kwetu, yeye ndiye ameshauri, ambapo miongoni mwa wachezaji waliokwishazungumza nasi, wawili atakuja nao mwenyewe pamoja na kocha wa viungo.

“Atakuja na kiungo mkabaji pamoja na straika mkali wa mabao, pia ametuelekeza kumsajili beki wa kati na winga ambaye yeye majina anayo,” kilisema chanzo hicho.

Kocha huyo Machi 7, 2021, alijiuzulu kuitumikia RS Berkane na nafasi yake ikachukuliwa na Kocha Juan Pedro Benali, raia wa Hispania, alipoondoka akateuliwa Florent Ibenge ambaye yupo hadi sasa.

Timu ya mwisho kufundisha Sektioui ni Emirates ya UAE, ambayo aliitumikia kwa msimu wa 2021, 22.

NI kama muvi! Ndivyo utakavyoweza kusema baada ya Simba kuwazidi ujanja Azam FC katika usajili wa kiungo mkabaji wa Coastal Union, Victor Akpan na kumpa mkataba wa miaka miwili.

Timu hizo mbili zilikuwa katika vita kubwa ya kuwania saini ya kiungo huyo raia wa Nigeria aliyekuwa anawaniwa vikali na Azam katika kuimarisha safu yao ya kiungo inayochezwa na Sospeter Bajana, Mudathiri Yahaya na Frank Domayo anayetajwa kuachwa mwishoni mwa msimu huu.

Ndani ya Simba, Akpan anakwenda kuchukua nafasi ya Mganda, Taddeo Lwanga ambaye anatarajiwa kuachwa mwishoni mwa msimu huu.

Kwa mujibu wa taarifa ambazo imezipata Spoti Xtra kutoka ndani ya Bodi ya Wakurugenzi, Simba imefanikisha usajili wa Akpan Alhamisi iliyopita saa tano usiku ikiwa saa chache mara baada ya mabosi ya Azam kutoka kuonana na mchezaji huyo wakiwa kambini katika hoteli moja iliyopo Magomeni, Dar.

Mtoa taarifa huyo alisema, Azam ndio walikuwa wa kwanza kufika kambini hapo saa mbili usiku na kufanya mazungumzo na kiungo huyo na kufikia makubaliano ya kusaini mkataba kesho yake Ijumaa kwa kumpa mkataba wa miaka miwili kwa dau la Sh 150Mil.

Alisema kuwa, mara baada ya mabosi wa Simba kupata taarifa hizo, haraka saa tano usiku walivamia katika kambi hiyo na kumchukua kiungo huyo kwa bodaboda na kwenda naye kwenye moja ya hoteli kubwa kumpa mkataba wa miaka miwili kwa dau la Sh 100Mil.

Aliongeza kuwa, kwa kipindi hicho chote kiungo huyo atalipwa mshahara wa Sh 6Mil huku akipewa nyumba nzuri ya kuishi.

“Akpan huenda akatambulishwa Simba kesho (leo) Jumanne mara baada ya viongozi kufanikiwa kushinda vita kubwa ya kuwania saini yake kati yetu na Azam ambao walikuwepo katika hatua za mwisho za kukamilisha usajili wake.

“Haikuwa vita ndogo kufanikisha usajili wa Akpan, kwani Azam wenyewe walionekana kuwa siriazi kumsajili, lakini umafia tuliotumia tukafanikisha usajili wake wa miaka miwili kwa dau la Sh 100Mil, kati ya fedha hizo, Sh 20Mil zimekwenda Coastal kuununua mkataba wake wa mwaka mmoja uliobaki.

“Azam ndio walikuwa wa kwanza kumfuata kambini walipofikia Dar, mara baada ya kupata taarifa za Azam kumfuata na kufanya naye mazungumzo, basi sisi haraka siku hiyohiyo tukavamia kambini hapo na kumchukua kwa bodaboda na kumpeleka moja ya hoteli kwa ajili ya kumsainisha,” alisema mtoa taarifa huyo.

Alipotafutwa Akpan kuzungumzia hilo alikiri kuwepo katika mazungumzo na timu hizo mbili kwa kusema: “Hivi karibuni itajulikana wapi nitakwenda, lakini ukweli ni kwamba nipo katika mazungumzo na timu hizo mbili za Simba na Azam.”

UNAAMBIWA pamoja na Wydad Casablanca na Raja Casablanca zote za Morocco kuhitaji saini ya kiungo raia wa Guinea, Morlaye Sylla, Simba SC imetumia ujanja wa kwenda kuzungumza na familia ya nyota huyo.

Sylla msimu huu amekichakaza vilivyo ndani ya kikosi cha Horoya AC ya Guinea, ambayo alijiunga nayo Julai Mosi 2019, kwa mkataba wa miaka mitatu, akitokea CO de Coyah ya nchini humo.

Chanzo chetu kutoka Simba, kimeliambia Spoti Xtra kuwa, pamoja na miamba hiyo ya Morocco, kudaiwa kuingilia usajili huo, Simba wamefanya umafia kwa kuzungumza na familia yake ambayo imeonesha matumaini makubwa ya kukamilisha dili lake.

“Kusema kweli kwa sasa suala la usajili kwetu limekuwa ni sehemu ya vita kali, maana kila mchezaji tunayemuhitaji utakuta kuna timu zingine kama tatu kubwa nazo zinamuhitaji, hivyo inatupa ugumu sana kukamilisha dili hizo.

“Jambo la kujivunia kwetu kwa sasa ni kuwa, tumefanikiwa sana kuwanasa baadhi ya wachezaji wa nje kufuatia ule umafia tuliouzoea kutokea hapa nchini, hivyo utaona hata sasa tumelazimika kuzizunguka Wydad na Raja ili tu tufanikishe saini ya Morlaye Sylla raia wa Guinea.

“Kama hakutatokea mabadiliko yoyote basi siku hizi mbili utamuona hapa nchini, japo usajili wake umekuwa ukiingiliana sana na ujio wa kocha ambaye naye tumemwekea dau kubwa,” kilisema chanzo hicho.

KIUNGO wa kimataifa wa Zambia, Rally Bwalya, juzi Jumapili alicheza mchezo wa mwisho dhidi ya KMC wa Ligi Kuu Bara akiwa Simba baada ya kuitumikia kwa kipindi cha misimu miwili.

Bwalya alijiunga na Simba Agosti 2020 akitokea Power Dynamos ya Zambia akisaini mkataba wa miaka mitatu. Katika mchezo wa juzi uliochezwa Uwanja wa Mkapa, Dar, Simba ilishinda 3-1.

Kiungo huyo anaondoka Simba akiwa amebakiwa na mkataba wa mwaka mmoja baada ya Amazulu ya Afrika Kusini kufanikiwa kumsajili.

Baada ya mchezo huo, Bwalya alisema: “Mchezo wa mwisho. Nalazimika kusema kwa heri kwa watu wangu wote ninaowapenda.

“Siku yangu ya mwisho kama mchezaji wa Simba SC imekuwa ya hisia kubwa sana, asante kwa kuniaga kwa ushindi. Ninathamini mapenzi, bila shaka nitawamisi kila siku. Asanteni sana.”

Uongozi wa klabu umempa mkono wa kwa heri mlinzi wa kati Pascal Serge Wawa, raia wa Ivory Coast ambaye anamaliza mkataba wake mwishoni mwa msimu huu.

 INATAJWA kuwa beki wa kati wa Simba, Ibrahim Ame anayecheza kwa mkopo Mtibwa amegoma kuongeza mkataba kwa mabosi wake hao huku ikielezwa kuwa kuna mpango wa kujiunga na Coastal Union.

Ame alijiunga na Simba msimu wa 2020/21 akitokea Coastal Union na kusaini mkataba wa miaka miwili ambao unatarajiwa kumalizika mwishoni mwa msimu huu.

Mmoja wa watu wa karibu na mchezaji huyo ameliambia Championi Jumamosi, kuwa pamoja na Simba kumlipa Ame mishahara yote alipokuwa Mtibwa, lakini amegoma kurejea kikosini hapo na kwamba ameomba arudi Coastal ili aweze kupata nafasi kubwa ya kucheza.

“Naomba nikuambie tu kuwa Ame amegoma kusaini tena Simba na tulipofuatilia tumegundua kuwa, zoezi la kuboresha kikosi linawafanya wachezaji wengi waliowahi kuitumikia kuogopa tena kurudi kwa hofu ya namba.

“Kwa maana kila mmoja anaamini maboresho ya msimu huu yatawafanya kurudi na kukaa benchi tena.”

Championi lilizungumza na Msemaji wa Coastal Union, Jonathan Tito ambapo alisema: “Ni kweli Ame ameomba kurejea mwishoni mwa msimu, japo aliondoka kwa mbwembwe na jeuri, ila sisi tumemuonyesha uungwana na kwamba msimu ujao tutakuwa naye tena.”

SI unauona moto walionao mabingwa wa Ligi Kuu Bara msimu huu Yanga SC? Sasa unaambiwa uongozi wa timu hiyo umetamba kuwa kwa usajili ambao wanaendelea kuufanya, basi watu wanapaswa kufahamu wanachokiona kwa sasa ni robo tu ya ubora ambao kikosi chao kitakuwa nao msimu ujao.

Kuelekea msimu ujao wa 2022/23, Yanga wameanza kufanya maboresho ya kikosi chao, ambapo mpaka sasa wamekamilisha usajili na kumtangaza mshambuliaji wa kimataifa wa Zambia kutoka Kaizer Chiefs ya Afrika Kusini, Lazarous Kambole.

Ukiachana na Kambole, mabingwa hao wapya wa Ligi Kuu Bara wanatajwa kuwa tayari wamemalizana na mastaa wengine wakiwemo aliyekuwa kiungo mshambuliaji wa ASEC Mmosas, Stephane Aziz Ki na kiungo wa Simba, Bernard Morrison.

Akizungumza na Spoti Xtra, kuhusu usajili wa kikosi chao, Msemaji wa Yanga, Haji Manara alisema: “Tayari tumeshaanza mchakato wa kufanya maboresho ya kikosi chetu kwa ajili ya msimu ujao na kupitia mapendekezo ya kocha Nabi (Nasreddine) tumeanza kutambulisha wachezaji wapya.

“Tumeweka wazi kuwa tutafanya usajili wa mastaa wanne au watano, niwahakikishie kuwa huu moto tulionao msimu huu ni robo tu ya ubora wa kikosi tutakachokuwa nacho msimu ujao, hivyo wapinzani wetu wajiandae.”

 Kiungo mshambuliaji Kibu Denis, amesema tuzo ya mchezaji bora wa mashabiki mwezi Mei (Emirate Aluminium ACP Simba Fans Player of the Month) imemuongezea morali ya kuendelea kujituma kuisaidia timu.

Kibu amesema kila mchezaji anafanya jitihada kubwa kufanya vizuri uwanjani kuisaidia timu na kupata tuzo kunaongeza thamani yake.

Pamoja na mambo mengine pia amewashukuru mashabiki waliompigia kura, wachezaji waliompa ushirikiano uwanjani pamoja na benchi la ufundi kwa kumpa nafasi huku akiahidi makubwa zaidi.

“Ni furaha kwangu kama mchezaji kupata tuzo hii. Nawashukuru mashabiki kwa kunipigia kura, wachezaji wenzangu na benchi la ufundi kwa ushirikiano. Hii itakuwa chachu kwangu kuendelea kuipigania timu,” amesema Kibu.

Kwa upande wake Ofisa Mahusiano wa Emirate Aluminium ACP, Issa Maeda amempongeza Kibu kwa kufanya vizuri mwezi Mei na kufanikiwa kuchukua tuzo hiyo baada ya kuibuka mshindi.

Maeda amewaomba wateja waendelee kununua bidhaa za Emirate Aluminium hasa mpya iliyoingia karibuni ya European Style.

“Tumekuja na bidhaa mpya inayojulikana kama European Style au Slide ambayo ni chuma kipya kwa ajili ya kupendezesha nyumba ambacho ni imara chenye muonekano mzuri. Wateja wetu tunaomba muendelee kununua bidhaa zetu ambazo zinaboresha mara kwa mara,” amesema Maeda.

Katika mwezi Mei, Kibu amecheza mechi saba sawa na dakika 630 akifunga mabao matano na kusaidia kupatikana kwa bao moja.

Meneja Habari na Mawasiliano wa klabu, Ahmed Ally amesema tutatumia mchezo wa kesho wa Ligi Kuu ya NBC dhidi ya KMC utakaopigwa Uwanja wa Benjamin Mkapa saa moja usiku kumuaga kiungo wetu Rally Bwalya ambaye tumemuuza kwa timu moja ambayo itatangazwa baadaye.

Uongozi wa klabu yetu umefikia makubaliano ya kumuuza kiungo mshambuliaji Rally Bwalya kwa timu ambayo hatutaiweka wazi kwa sasa kutokana na matakwa ya kimkataba.

Bwalya atacheza mchezo wake wa mwisho Jumapili hii dhidi ya KMC na baada ya hapo ataruhusiwa kuondoka kwenda kujiunga na timu yake mpya ambayo inataraji kuanza maandalizi ya msimu  (Pre Season)  hivi karibuni

Kwa heshima ya mchezaji ambae amedumu nasi kwa misimu miwili tutautumia mchezo wa Jumapili dhidi ya KMC utakaofanyika Uwanja wa Benjamin Mkapa kumuaga rasmi nyota huyo raia wa Zambia

Bwalya alijunga nasi Agosti 2020 kutoka Power Dynamos ya Zambia kwa mkataba wa miaka mitatu ambapo mpaka anaenda kujiunga na timu mpya alikuwa amebakisha kandarasi ya mwaka mmoja.

Kwa misimu miwili aliyodumu nasi Bwalya ameisaidia Simba kushinda mataji matatu ikiwemo ligi kuu Tanzania Bara, Kombe la Shirikisho la Azam Sports, Kombe la Mapinduzi pamoja na ngao ya jamii

Bwalya pia ameisaidia Simba kufika robo fainali ya ligi ya mabingwa Afrika msimu wa 2020/2021 na Kombe la Shrikisho barani Afrika kwenye msimu wa 2021/2022.

Uongozi wa klabu unamtakia heri Rally Bwalya katika maisha yake mapya ya soka katika timu mpya.

Kaimu Kocha Mkuu, Seleman Matola amewasifu wachezaji kwa kujituma kufanikisha ushindi mnono wa mabao 3-0 tuliopata jana dhidi ya Mbeya City.

Kikosi chetu kimefanikiwa kuibuka na ushindi wa mabao 3-0 dhidi ya Mbeya City katika mchezo wa Ligi Kuu ya NBC uliopigwa Uwanja wa Benjamin Mkapa.

Tulianza mchezo kwa kasi na kuliandama lango la City tukitengeneza nafasi lakini ufanisi wetu katika eneo la mwisho haikuwa nzuri.

Pape Sakho alitupatia bao la kwanza dakika ya 38 kwa mkwaju wa penati baada kufanyiwa madhambi ndani ya 18 na mlinda mlango wa City, Haroun Mandanda.

Kipindi cha pili tulirudi kwa kasi ambapo dakika ya 55 Sakho alitupatia bao la pili baada ya kupokea pasi ndefu ya Mzamiru Yassin na kuwazidi mbio walinzi wa City kabla ya kumpiga chenga Mandanda.

Peter Banda alitupatia bao la tatu dakika ya 76 akimalizia pasi safi ya Yusuf Mhilu kufuatia shambulizi aliloanzisha mwenyewe.

Kocha Seleman Matola aliwatoa Sakho, Kibu Denis, Mzamiru na Bwalya na kuwaingiza Medie Kagere, Banda, Mhilu na Taddeo Lwanga.

Klabu yetu leo imekabidhiwa Tuzo ya Klabu Bora ya Kigitali kutokana na kufanya vizuri katika mitandao ya kijamii mwaka 2021.

BAADA ya kufanya mazungumzo mazito na mabosi wa Simba SC, inaelezwa kwamba kocha wa zamani wa Kaizer Chiefs, Stuart Baxter, wamefikia makubaliano mazuri, lakini ameomba kwanza kurejea kwao Uingereza.

Kocha huyo wa zamani wa timu ya taifa ya Afrika Kusini na England U19, juzi alifanya mazungumzo na mabosi wa Simba kwa ajili ya kukamilisha dili la kuifundisha timu hiyo.

Simba kwa sasa inasaka kocha wa kuchukua mikoba ya Pablo Franco ambaye ametimuliwa kikosini hapo Mei 30, mwaka huu.

Baxter amefanya mazungumzo na Mtendaji Mkuu wa Simba, Barbara Gonzalez akiwa na Mshauri wa Rais wa Heshima wa Simba, Crescentius Magori na Mjumbe wa Bodi ya Wakurugenzi, Mulamu Ng’ambi katika kikao kilichofanyika Afrika Kusini.

Taarifa kutoka kwa vyanzo vya kuaminika vilivyopo Afrika Kusini, zinaeleza kwamba mazungumzo ya kocha huyo na mabosi wa Simba yameenda vizuri na jana usiku alirejea zake Uingereza kwa ajili ya mipango ya kujiandaa kwa kazi mpya.

“Kocha tayari ameshaondoka hapa Afrika Kusini na mazungumzo yake na mabosi wa Simba kwa asilimia 90 yamekwenda vizuri.

“Sehemu kubwa ya mazungumzo yao yamesimama pazuri na huenda Baxter akawa ndiye kocha mpya wa Simba, lakini inatazamiwa na yeye atakavyorejea kutoka Uingereza ambapo amekwenda kuweka mambo yake sawa ikiwemo ishu za kifamilia,” alisema mtoa taarifa huyo.

LICHA ya kuanza mazoezi ndani ya kikosi cha Simba kiungo Clatous Chama bado hajawa fiti kutokana na kukaa nje kwa muda mrefu akitibu majeraha ya enka.

Nyota huyo wa Simba kwa sasa yupo Bongo baada ya kurejea kutoka Zambia Julai 10 ambapo alikuwa huko akipewa matibabu ya enka ambayo aliiumia kwenye mchezo wa dabi dhidi ya Yanga.

Jana,Juni 11 Chama alianza mazoezi kwenye Uwanja wa Mo Arena akiwa chini ya Kaimu Kocha Mkuu, Seleman Matola ikiwa ni kwa ajili ya maandalizi ya mechi zao zijazo za ligi.

Matola amesema kuwa kutokana na kutokuwa kwenye mazoezi kwa muda mrefu kunamfanya asiweze kuwa fiti moja kwa moja hivyo anahitaji muda kuweza kurejea kwenye ubora wake.

Matola amechukua mikoba ya Pablo Franco ambaye alichimbishwa ndani ya kikosi hicho Mei kutokana na kushindwa kufikia malengo ya timu ikiwa ni pamoja na kutwaa Kombe la Shirikisho baada ya kuondolewa na Yanga hatua ya nusu fainali, Mei 28 ambapo Simba ilipoteza kwa kufungwa bao 1-0.

Mtupiaji wa bao la ushindi alikuwa ni Feisal Salum aliyefunga bao hilo akiwa nje ya 18.

Mbali na kuwa Zambia kwa ajili ya matibabu pia Chama alikuwa kwenye kumbukizi ya mwaka mmoja wa kifo cha mkewe Mercy Chama aliyetangulia mbele za haki Mei mwaka jana.